Bakı metrosunun iş qrafikinə dəyişiklik edilib.
"APA-Economics" "Qəbələ" futbol klubunu "Facebook" səhifəsinə istinadən xəbər verir ki, bu gün Bakı metrosunun iş qrafiki gecə saat 01:00-a kimi uzadılıb.
Bu addım klub rəhbərliyinin "Bakı Metropoliteni" QSC-yə müvafiq müraciətindən sonra atılıb.
Xatırladaq ki, bu gün "Qəbələ" UEFA Avropa Liqasının qrup mərhələsi çərçivəsində Bakıda "Bakcell Arena"da (8-ci km stadionu) Fransanın "Sent-Etyen" komandasını qəbul edəcək. Matç saat 22:00-da start götürəcək.
"Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev isə "APA-Economics"ə bildirib ki, sərnişin axını çox olduqda metronun "Neftçilər" və "Xalqlar dostluğu" stansiyaları 01:00-dan sonra da fəaliyyət göstərə bilər: "Bununla yanaşı, sərnişin axını az olarsa, metro saat 01:00-dan tez fəaliyyətini dayandıracaq. İstənilən halda, "Bakı Metropoliteni" QSC klub rəhbərliyi ilə koordinasiyalı şəkildə işləyəcək".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
