"Xəzər Dəniz Gəmiçiliyi" QSC-nin sədri Rauf Vəliyev qurumun Təlim-Tədris Mərkəzində olub.
QSC-dən "APA-Economics"ə verilən məlumata görə, R. Vəliyev Təlim-Tədris Mərkəzində üzən heyət üçün keçirilən təlimlərlə maraqlanıb, dərs prosesini yaxından izləyib.
Kurslarda dənizçilərin peşə vərdişləri təkmilləşdirilir, onlara dənizdə yarana biləcək istənilən çətin vəziyyətə həmişə hazır olmağa dair biliklər aşılanır. Sədr təlim iştirakçılarının diqqətinə çatdırıb ki, bu gün hər bir dənizçinin gəmilərdə tətbiq olunan yeni texnologiyalardan xəbərdar olması və onlardan istifadə etmə bacarığı çox vacibdir.
Beynəlxalq konvensiyaların tələblərinə uyğun keçirilən təlimlərin sonunda imtahanı uğurla verən iştirakçılara sertifikatlar təqdim olunur. Kurs iştirakçıları R. Vəliyevə imtahanların şəffaf keçirildiyini bildiriblər.
R. Vəliyev ölkəmizdə yalnız QSC-nin Təlim-Tədris Mərkəzinin malik olduğu gəmilərin mövqedə saxlanması trenajoruna da baxış keçirib.
Xatırladaq ki, "Xəzər Dəniz Gəmiçiliyi"nin Təlim-Tədris Mərkəzi 2014-cü ildən fəaliyyət göstərir. Burda Gəmiçiliyin əməkdaşları ilə yanaşı, digər şirkətlərin nümayəndələri üçün də dənizçiliklə bağlı müxtəlif təyinatlı təlimlər keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
