Beynəlxalq Telekommunikasiya Şurası (ITU) 2017-ci il üzrə Qlobal kibertəhlükəsizlik indeksini açıqlayıb.
"APA-Economics" xəbər verir ki, indeks ITU-nun üzvü olan ölkələrin kibertəhlükəsizliyə məruz qalma səviyyəsini özündə əks etdirir. 193 ölkəni özündə birləşdirən indeks qanunvericilik bazasını, texniki məlumatlar, təşkilati məsələlər, kooperasiya kimi məsələləri əhatə edir.
Azərbaycan indeksdə 48-ci yeri (0.559 bal) tutub.
Qonşularımıza gəlincə, Gürcüstan 8-ci, Rusiya 10-cu, Türkiyə 43-cü yeri tutub. Ermənistan isə siyahının autsayderlərindədir - 111-ci yer. Ermənistanla yanaşı, kibertəhlükələrə daha çox məruz qalan Əfqanıstan, Özbəkistan, Zimbabve, Liviya, Bosniya və Herseqovina indeksin ən aşağısında qərarlaşıb. Reytinqin sonuncusu pilləsində Ekvatorial Qvineyadır.
Yeri gəlmişkən, indeksin lideri Sinqapurdur. İkinci və üçüncü yerləri ABŞ və Malayziya bölüşdürür.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
