Bakıda "Strateji tərəfdaşlıq 1520: Dünyanın dörd tərəfini birləşdirən Qafqaz regionu" biznes forumu keçirilir. Forumda MDB ölkələrinin dəmir yolu şirkətlərinin, nəqliyyat, logistik və maşınqayırma müəssisələrinin, Azərbaycan və Rusiyanın müvafiq idarəetmə orqanlarının rəhbərləri iştirak edir.
APA-Economics xəbər verir ki, forumdan əvvəl tədbir iştirakçıları Fəxri xiyabanda Heydər Əliyev və Zərifə Əliyevanın məzarlarını və Şəhidlər xiyabanını ziyarət ediblər.
Forum çərçivəsində beynəlxalq nəqliyyat dəhlizləri sahəsindəki problemlər, "Şimal-Cənub", "Şərq-Qərb" nəqliyyat dəhlizləri ilə multimodal daşımaların təşkili, dəmir yolu infrastrukturunun tikintisi, hərəkət və tərkibinin istehsalı və logistik zəncirvari əlaqələrin qurulması və digər məsələlər müzakirə ediləcək.
Biznes forumda Azərbaycan Dəmir Yolları QSC-nin sədri Cavid Qurbanov, Rusiya Dəmir Yolları ASC-nin vitse-prezidenti Aleksandr Mişarin yekun nitqi ilə çıxış edəcək.
Tədbirin sonunda müvafiq sənədlər imzalanacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
