Patent və Əmtəə Nişanları Mərkəzi elan edir ki, 15 sentyabr 2017-ci il tarixdə saat 11:00-da mərkəzin ofisində (Bakı şəhəri, M.İbrahimov küçəsi 53.) patent müvəkkillərinin attestasiyası həyata keçiriləcək.
"APA-Economics" Standartlaşdırma, Metrologiya və Patent üzrə Dövlət Komitəsinin elanına istinadən xəbər verir ki, patent müvəkkili statusu almaq istəyən şəxslər attestasiyadan keçmək üçün Patent və Əmtəə Nişanları Mərkəzinin Bakı şəhəri, Mərdanov qardaşları 124 küçəsi hüquqi ünvanına ərizə ilə müraciət etməlidir. Ərizəyə ali təhsil haqqında diplomun surəti, Azərbaycan ərazisində daimi yaşayış yeri haqqında arayış, sənaye mülkiyyətinin mühafizəsi sahəsində xüsusi kurs bitirməyə dair sənəd və ya həmin sahədə ən azı iki il stajı barədə müvafiq arayış, şəxsiyyət vəsiqəsinin surəti və patent müvəkkilliyinə namizədin patent müvəkkili kimi attestasiya olunması üçün müəyyən edilən dövlət rüsumunun ödənilməsini təsdiqləyən sənəd əlavə olunmalıdır.
Patent müvəkkili statusu almaq istəyən şəxslər ixtira, faydalı model, sənaye nümunəsi, əmtəə nişanı və coğrafi göstəricinin hər hansı biri və ya bir neçəsi sahəsində məhdud fəaliyyət göstərmək niyyətində olduqda onu ərizədə qeyd etməlidir.
Əlavə məlumat almaq üçün (+994) 12 534 30 70/71 (dax. 109) nömrəsinə müraciət etmək olar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
