Bakı. Yeganə Laçınzadə - APA-Economics. Dünya bazarında neft ucuzlaşıb.
"APA-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,80 dollar azalaraq 48,19 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,53 dollar azalaraq 49,57 dollar olub.
Norveçin "Rystad Energy" konsaltinq şirkətinin yaydığı məlumata əsasən, ABŞ-ın neft ehtiyatları Rusiya və Səudiyyə Ərəbistanının ehtiyatlarından çoxdur. Belə ki, ABŞ-da neft ehtiyatları 264 mlrd. barrel, Rusiyada 256 mlrd. barrel, Səudiyyə Ərəbistanında isə 212 mlrd. barrel təşkil edir. Bu xəbəri "Financial Times" qəzeti yaydıqdan sonra neft ucuzlaşmağa başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
