Bakı-APA. İordaniya paytaxtı Əmman yaxınlığında yerləşən Polis Təlim Mərkəzində baş vermiş atışma nəticəsində 2-si amerikalı, 1-i CAR vətəndaşı və üçü iordaniyalı olmaqla 7 nəfər ölüb. APA-nın “Gazeta.ru”ya istinadən verdiyi xəbərə görə, bu barədə “Röyters” məlumat yayıb.
Məlumata görə, insident nəticəsində 6 nəfər yaralanıb. Bəzi məlumatlara görə, amerikalı mütəxəssislər mərkəzdə Fələstin təhlükəsizlik orqanlarının əməkdaşlarına təlim keçiblər.