Ötən həftə ərzində dolların birja məzənnəsi (Bakı Banklararası Valyuta Birjasının (BBVB) valyuta bölməsində aparılan ticarət əməliyyatlarının orta göstəricisi) 0,8013 manatdan 0,8504 manatadək dəyişib, yəni bu müddət ərzində dolların məzənnəsinin 6,1% artıb. Qeyd edək ki, bununla belə həftə ərzində rəsmi məzənnə 0,03%, nağd alış məzənnəsi (banklar üzrə orta göstərici) 0,15%, nağd satış məzənnəsi isə 0,1% yüksəlib:
Göründüyü kimi, yanvarın 8-də və 9-da birjada həddindən artıq yüksək məzənnə ilə dolların alqı-satqısı üzrə bir neçə əqd bağlanılıb ki, bu da (yəni, yüksək məzənnə) bazarda kəsir şəraitində hər hansı bank və ya bankların ABŞ dollarına kəskin tələbatı ilə izah oluna bilər. Aydındır ki, yalnız bu cür vəziyyət dolların 6%-dən artıq bahalaşmasına gətirib çıxara bilərdi.
Qeyd etmək lazımdır ki, həmin iki ticarət günündə birja məzənnələri Milli Bankın rəsmi məzənnəsində əksini tapmayıb, bu da keçirilən əqdlərin və qeydə alınmış məzənnələrin hər hansı makroiqtisadi əsasının olmadığını göstərir. Başqa sözlə, məzənnənin artması spekulyativ meyllərin təsiri altında bir neçə əqdin gedişi zamanı baş verərkən, birdəfəlik hadisə olub və Milli Bankın məzənnə siyasətinin dəyişməsinə səbəb olmayıb. Hətta, göründüyü kimi, birjada əqdlər və qeydə alınmış yüksək məzənnə nağd bazara da təsir etməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
