Maliyyə

Ana səhifə

Maliyyə

Xarici ekspertlər: İkinci yarımillikdə dollar kəskin ucuzlaşacaq

14 yanvar 2009 13:07 (UTC +04:00)

«APA-Economics»in məlumatında görə, eyni zamanda analitiklər dolların bu möhkəmlənməsi prosesinin qısamüddətli olacağını, ilin ikinci yarısında isə ABŞ valyutasının genişmiqyaslı ucuzlaşmasının baş verəcəyini ehtimal edirlər.
Ekspertlər Avropa Mərkəzi Bankı tərəfindən kredit dərəcələrinin aşağı salınmasını gözləyərək, avronun yaxın zamanlarda 1,3 dollaradək ucuzlaşacağına şübhə etmirlər.
Qeyd edək ki, yanvarın 15-də Avropa Mərkəzi Bankının iclasının keçirilməsi nəzərdə tutulur və uçot dərəcəsinin azaldılacağı gözlənilir ki, bu da Avrozona iqtisadiyyatının pisləşməsi amili kimi qiymətləndirilir. Avstriyanın «Raiffeisen Research» tədqiqat şirkətinin analitikləri hesab edirlər ki, regionda faiz dərəcələrinin aşağı salınması avro/dollar məzənnəsinin düşməsinə səbəb olacaq.
Maliyyə ekspertlərinin fikrincə, dünya miqyasında, o cümlədən Avrozonada iqtisadi göstəricilər cari ilin birinci yarısında zəif olacaq və bunun nəticəsində maliyyə bazarlarında risklərdən çəkinmə taktikası üstünlük təşkil edəcək. Bu səbəbdən 2008-ci ilin IV rübünün əvvəlində olduğu kimi, maliyyə bazarının iştirakçıları daha təhlükəsiz və likvid aktivlər seçəcək ki, bu da dolların möhkəmlənməsinə səbəb olacaq. Lakin Federal Ehtiyat Sistemi və ABŞ hökuməti tərəfindən həyata keçirilən maliyyə siyasəti nəticəsində artıq bu ilin ikinci yarısında dövlət qiymətli kağızları və dolların ucuzlaşması baş verə bilər.
Ekspertlər həm ABŞ, həm də Avropada makroiqtisadi göstəricilərin, o cümlədən biznes fəallığının zəifləməsi, istehlak inflyasiyasının düşməsi, istehsal sifarişlərinin kəskin azalması, işsizliyin artması və s. rekord səviyyəyə çatdığını vurğulayaraq, onların dünya iqtisadiyyatında tələbatın məhdudlaşdırıldığını təsdiqləyən amillər kimi qəbul edirlər.
Qeyd edək ki, 2009-cu ilin əvvəli avronun dollara qarşı ucuzlaşması ilə yadda qalıb: yanvarın 1-dən dolların avroya qarşı möhkəmlənməsi artıq 5% təşkil edib. Məlumat üçün bildirək ki, Azərbaycanda cari ilin əvvəlindən dollar manata qarşı 0,28% bahalaşdığı halda, avro 4,3% ucuzlaşıb.