Maliyyə

Ana səhifə

Maliyyə

Fitch: Şərqi Avropanın inkişafda olan ölkələri arasında bu il iqtisadi artım yalnız Azərbaycanda gözlənilir

02 aprel 2009 10:57 (UTC +04:00)

Bakı. Vahab Rzayev – APA-Economics. Şərqi Avropa ölkələri sosialist iqtisadiyyatının dağılmasından sonra yaxın vaxtlarda, o cümlədən cari ildə ən irimiqyaslı ÜDM-in azalması ilə üzləşəcək. «APA-Economics»in məlumatına əsasən, bu barədə «Fitch» reytinq agentliyinin yeni məruzəsində deyilir.
Məruzədə vurğulanır ki, Avropanın inkişafda olan ölkələri üzrə ÜDM-in ən yüksək artım tempinin 2,5%, ən iri azalmanın isə 12% təşkil edəcəyi gözlənilir. Bu göstəricilərin isə müvafiq olaraq Azərbaycan və Latviya iqtisadiyyatında qeydə alınacağı proqnozlaşdırılır.
Eyni zamanda «Fitch» ekspertləri vurğulayırlar ki, region üzrə ÜDM-in həcmi 2008-ci ildə 4%, əvvəlki 5 il ərzində isə orta hesabla 6,8% səviyyəsində artıb. Gələn il üçün agentlik regionda ÜDM-in 1,4% artacağı proqnozlaşdırılır ki, bu da «Fitch»in mütəxəssislərinin fikrincə, ölkələrin dövlət büdcələrinə edilən təzyiqin və artan işsizliyin qarşısının alınması üçün kifayət etməyəcək.
Regionun ən iri iqtisadiyyatları sırasında olan Rusiya və Türkiyədə «Fitch» 3%-lik azalma, Polşada isə 0 dərəcədə artım proqnozlaşdırılır. «Fitch» agentliyi tərəfindən təhlil olunan regionun 21 ölkəsinin 19-da ÜDM-in azalması, birində dəyişməyəcəyi (Polşa), birində isə artacağı gözlənilir. Beləliklə, «Fitch» reytinq agentliyi Şərqi Avropanın inkişafda olan ölkələri arasında ÜDM-in yalnız Azərbaycanda artacağını proqnozlaşdırır.