Maliyyə

Ana səhifə

Maliyyə

Aleksey Kudrin: «MDB ölkələri bank sistemlərini böhrandan qorumaq məqsədi ilə ÜDM-in 1-3%-i həcmində vəsait xərcləməlidir»

02 aprel 2009 12:34 (UTC +04:00)

Bakı. Vahab Rzayev – APA-Economics. MDB ölkələri öz bank sistemlərini dünya maliyyə böhranından xilas etmək məqsədi ilə ÜDM-in 1-3%-i həcmində vəsait xərcləməlidir. «APA-Economics»in BNE portalına (www.businessneweurope.eu) istinadən verdiyi məlumata görə, bunu Rusiyanın maliyyə naziri Aleksey Kudrin söyləyib.
A.Kudrinin sözlərinə görə, həmin vəsaitlər etibarlı banklar tərəfindən korporativ kreditlərin verilməsi yolu ilə geriləyən milli iqtisadiyyatlar üçün zəruridir. Rusiya maliyyə naziri həmçinin qeyri-sağlam kreditlərin ümumi kredit portfellərində 10% səviyyəsinə çatmasından ehtiyatlanır. Çünki bu, sonda ölkə hökumətlərini bankların təkrar kapitallaşmasına əl atmasına səbəb ola bilər.
A.Kudrin hesab edir ki, MDB ölkələrini 2009-cu ildə 0-3% səviyyəsində iqtisadi artım gözləyir. Nazirin sözlərinə görə, Azərbaycan böhrana qarşı ən yüksək davamlılıq nümayiş etdirərək, yüksək investisiya templəri və iqtisadi artımından faydalanmasını davam etdirəcək. Ən güclü zərbə isə Rusiya, Ukrayna və Qazaxıstana dəyib, çünki bu ölkələr dünya iqtisadiyyatına daha çox inteqrasiya olunub.