Maliyyə

Ana səhifə

Maliyyə

«AccessBank» yeni regional filial açıb

02 aprel 2009 14:01 (UTC +04:00)

Bakı. Elnur Hüseynquluyev - APA-Economics. «AccessBank» Səhmdar Kommersiya Bankının (SKB) Salyan rayonunda filialı açılıb. Bankın baş ofisindən «APA-Economics»ə verilən məlumata görə, bununla da bankın filiallarının ümumi sayı 22-yə çatıb.
Yeni filial Salyan rayonu Yusif Qasımov küçəsi,2 ünvanında yerləşir. Bankın digər filialları kimi, Salyan filialı da fiziki və hüquqi şəxslər üçün tam çeşidli bank xidmətləri göstərəcək.
Belə ki, burada müştərilər bank hesablarının açılması, depozitlər, plastik kartlar, eləcə də kiçik və orta həcmli kreditlərin, istehlak kreditlərinin verilməsi, təcili pulköçürmə və kassa əməliyyatları həyata keçirə bilərlər.
Xatırladaq ki, «AccessBank» SKB 2002-ci ilin oktyabr ayında Azərbaycan Mikromaliyyələşdirmə Bankı kimi fəaliyyətə başlayıb və ötən ilin sentyabr ayında brendini dəyişib. Bankın təsisçiləri rolunda Avropa Yenidənqurma və İnkişaf Bankı (20%), Beynəlxalq Maliyyə Korporasiyası (20%), Qara Dəniz Ticarət və İnkişaf Bankı (20%), Almaniyanın KfW Bankı (20%), «AccessHolding» (16,53%) və «LFS Financial Systems GmbH.» şirkəti (3,47%) çıxış edir.
Cari ilin yanvar ayının 1-nə bankın aktivlərinin həcmi 198,863 mln. manat, kredit portfeli 165,941 mln. manat, depozit portfeli 17,279 mln. manat, məcmu kapitalı 42,863 mln. manat, o cümlədən nizamnamə kapitalı 20 mln. manat təşkil edib. Bankın respublika üzrə щямчинин 19 bankomatı və 40 POS-terminalı fəaliyyət göstərir.

* 02.04.2009-cu il vəziyyətinə 1 ABŞ dollarının rəsmi məzənnəsi 0,8029 manat təşkil edir