Maliyyə

Ana səhifə

Maliyyə

«AzSığorta» şirkəti nizamnamə kapitalını 5 dəfə artıracaq

03 aprel 2009 09:45 (UTC +04:00)

Bakı. Elnur Hüseynquluyev – APA-Economics. Azərbaycanın «AzSığorta» şirkəti 2009-cu il ərzində nizamnamə kapitalını iki dəfə artıraraq 4 mln. manata çatdıracaq. Bunu «APA-Economics»ə açıqlamasında şirkətin İdarə Heyətinin sədr müavini Xəyal Məmmədxanlı bildirib.
X.Məmmədxanlının sözlərinə görə, şirkətin İdarə Heyətinin sonuncu iclasında kapitalın 2 dəfə artırılması ilə bağlı qərar qəbul edilərək Müşahidə Şurasına təqdim olunub. Yaxın günlərdə Müşahidə Şurası tərəfindən qərarın təsdiqlənməsi gözlənilir.
Kapitalın şirkətin mövcud səhmdarları hesabına artırılacağını bildirən X.Məmmədxanlı bu prosesin may ayında tam başa çatdırılacağını vurğulayıb. «Ümumiyyətlə, növbəti il ərzində də şirkətin nizamnamə kapitalında artımın olacağı gözlənilir. Belə ki, builki artımı nəzərə alaraq, 2010-cu il də kapitalın 2 dəfədən çox artırılaraq 10 mln. manata çatdırılması planlaşdırılır. Bu isə birbaşa şirkətin 2009-cu və 2010-cu illər ərzində əldə edəcəyi mənfəətin çox və ya bir qisminin kapitala yatırılması hesabına həyata keçiriləcək», - deyə X.Məmmədxanlı bildirib.
Xatırladaq ki, «AzSığorta» şirkəti 2006-cı ilin dekabr ayında fəaliyyətə başlayıb. Ötən il ərzində şirkətin topladığı sığorta haqlarının həcmi 10,066 mln. manat, ödənişləri isə 2,328 mln. manat olub. Şirkətin ölkə üzrə məcmu sığorta daxilolmalarında xüsusi payı 5,35%, ödənişlərdə isə 4,66% təşkil edib. Respublika üzrə 7 filialı və 40-dan çox nümayəndəliyi olan şirkət müştərilərə 25 könüllü və 3 icbari sığorta növü üzrə xidmət göstər.

* 03.04.2009-cu il vəziyyətinə 1 ABŞ dollarının rəsmi məzənnəsi 0,8028 manat təşkil edir