DSK-nın məlumatına görə, Britaniya şirkətləri və fiziki şəxslərin Azərbaycanda əsas kapitala yönəltdiyi xarici investisiyaların həcmi 2009-cu ilin ilk iki ayı ərzində 82,069 mln. manat və yaxud dollar ekvivalentində 101,923 mln. təşkil edib. Ötən ilin yanvar-fevral aylarında Britaniya sərmayədarlarının əsas kapitala qoyuluşları 196,497 mln. manat, dollar ekvivalentində isə 233 mln-a bərabər olub.
Ölkələr | Yanvar-fevral, 2009-cu il | Ümumi həcmdə xüsusi çəkisi, % |
Cəmi | 177 381,7 | 100,0 |
o cümlədən: |
| |
Böyük Britaniya | 82 069,0 | 46,3 |
ABŞ | 37 865,5 | 21,4 |
Yaponiya | 15 449,8 | 8,7 |
Türkiyə | 14 863,4 | 8,4 |
Norveç | 9 617,5 | 5,4 |
Cənubi Koreya | 7 703,7 | 4,3 |
Çexiya | 229,0 | 0,1 |
Almaniya | 24,7 | 0,0 |
Fransa | 19,4 | 0,0 |
Xatırladaq ki, yalnız Britaniya rezidentlərinin 2008-ci ildə Azərbaycana yönəltdiyi səramyяlərin həcmi 1,021 mlrd. manata yaxın olub və 2007-ci ilin analoji göstəricisi ilə müqayisədə 16,5% azalıb.
Maraqlıdır ki, bu ölkədən olan investorların qoyuluşları üzrə dinamika əsas kapitala xaricdən yönəldilən investisiyaların enmə templərini də üstələyir. Cari ilin yanvar-fevral aylarında xarici mənbələrdən əsas kapitala yönəldilən investisiyanın ümumi həcmi 177,4 mln. manat təşkil edərək, əvvəlki ilin müvafiq dövründəkindən 55,7% az olub. Son bir ildə isə Britaniyanın məcmu investisiya qoyuluşlarının strukturundakı payı 49,6%-dən 46,3%-dək azalıb.
Qeyd edək ki, xarici ölkələr və beynəlxalq təşkilatlar tərəfindən 2009-cu ilin yanvar-fevral aylarında əsas kapitala yönəldilən sərmayələrin 94,5%-i Böyük Britaniya, ABŞ, Yaponiya, Fransa, Norveç və Türkiyə investorlarına məxsus olub:
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
