Maliyyə

Ana səhifə

Maliyyə

«Bank Respublika» yeni regional filialı açılıb

06 aprel 2009 10:17 (UTC +04:00)

Bakı. Elnur Hüseynquluyev – APA-Economics. Azərbaycanın «Bank Respublika» Səhmdar Kommersiya Bankının (SKB) daha bir regional filialı fəaliyyətə başlayıb. Bankın Bakıdakı baş ofisindən «APA-Economics»ə verilən məlumata görə, yeni filial Cəlilabad rayonu Heydər Əliyev prospekti,161B ünvanında yerləşir.
Yeni filial vasitəsi ilə müştərilər hesablaşma-kassa hesabı, kreditlər, depozitlər, plastik kartlar, müxtəlif sistemlər üzrə təcili pul köçürmələri, qızıl külçələrinın alışı, mobil rabitə ödənişlərinin aparılması və digər xidmətlər həyata keçirə bilərlər.
Qeyd edək ki, hazırda «Bank Respublika»nın respublika üzrə 32 filial və şöbəsi fəaliyyət göstərir.
Xatırladaq ki, «Bank Respublika» SKB 1992-ci ildən fəaliyyət göstərir. Almaniyanın DEG İnvestisiya Şirkəti və «Sparkassen International Development Trust» şirkəti 2005-ci ilin aprel ayında bankın nizamnamə kapitalında «25%+1 səhm» iştirak payı alıb.
Cari ilin yanvar ayının 1-nə «Bank Respublika»nın aktivlərinin həcmi 387,875 mln. manat, kredit portfeli 260,367 mln. manat, depozit portfeli 135,816 mln. manat, məcmu kapitalı 43,299 mln. manat, o cümlədən nizamnamə kapitalı 22,580 mln. manat təşkil edib.