Maliyyə

Ana səhifə

Maliyyə

«Günay Anadolu» sığorta şirkətinin daxilolmaları 61% azalıb

09 aprel 2009 10:02 (UTC +04:00)

Bakı. Elnur Hüseynquluyev – APA-Economics. «Günay Anadolu» Azərbaycan-Türkiyə sığorta şirkətinin 2009-cu ilin yanvar-mart aylarında topladığı sığorta haqlarının həcmi 168,974 min ABŞ dolları təşkil edib ki, bu da ötən ilin müvafiq dövrünün göstəricisi ilə müqayisədə 61% azdır.
Şirkətin Bakıdakı baş ofisindən «APA-Economics»ə verilən məlumat görə, hesabat dövründə şirkətin sığorta riskləri üzrə ödənişləri 13,3% azalaraq 28,411 min dollar olub.
Toplanan sığorta haqlarında ən çox daxilolma «Avtomobil sığortası» (61,960 min dollar) və «Yanğın sığortası» (61,608 min dollar) növlərinin payına düşüb.
Sığorta ödənişlərinin strukturunda isə ən çox vəsait «Avtonəqliyyat vasitələrinin icbari sığortası» (17,653 min dollar) və «Tibbi sığorta» (6,656 min dollar) növləri üzrə həyata keçirilib.
Qeyd edək ki, bu müddət ərzində şirkətin bağladığı sığorta polislərinin sayı 60% azalaraq 252-yə çatıb. Sığorta polislərinin strukturunda ən çox «Avtomobillərin sığortası» növü üzrə bağlanan müqavilələr təşkil edir. Belə ki, bu ilin birinci rübündə şirkət bu sığorta növü üzrə 60 müqavilə bağlayıb.
Xatırladaq ki, «Günay Anadolu» sığorta şirkəti 1992-ci ildən fəaliyyət göstərir. Bu ilin aprel ayının 1-nə şirkətin nizamnamə kapitalı 1 mln. manat təşkil edib. Hazırda şirkət 2 icbari və 18 könüllü sığorta növü üzrə xidmət göstərir.