Maliyyə

Ana səhifə

Maliyyə

«Bank of Baku»nun elektron şöbəsinin iş vaxtı uzadılıb

02 sentyabr 2009 09:53 (UTC +04:00)

Bakı. Elnur Hüseynquluyev – APA-Economics. Azərbaycanın «Bank of Baku» Səhmdar Kommersiya Bankının (SKB) «Xəqani» elektron şöbəsi sentyabr ayından başlayaraq saat 22:00-dək işləyəcək.

Bankın baş ofisindən «APA-Economics»ə verilən məlumata görə, artıq əhali elektron şöbədə quraşdırılmış ödəniş köşklərindən maksimum faydalana bilərlər. Şöbə həftə içi 09:00-dan 22:00-dək, şənbə günü isə 10:00-dan 18:00-dək fəaliyyət göstərəcək. Burada «Cash-in» ödəniş köşkləri vasitəsi ilə hər hansı bir ödənişi bir neçə dəqiqə ərzində həyata keçirmək mümkündür.

Qeyd edək ki, «Xəqani» şöbəsində yerləşdirilmiş «Cash-in» ödəniş köşkləri əhaliyə istehlak kreditlərinin və internet xidmətlərinin ödənilməsi və cari hesabların artırılması sahəsində xidmət göstərir.

Xatırladaq ki, hazırda «Bank of Baku»nun 20 ədəd «Cash-in» ödəniş köşkü, 25 bankomatı və 210 POS-terminalı mövcuddur.

«Bank of Baku» SKB 1994-cü ilin fevral ayında fəaliyyətə başlayıb. Bankın təsisçiləri rolunda Türkiyənin «NAB Dış Ticarət» şirkəti və bir neçə fiziki şəxs çıxış edir. Cari ilin iyul ayının 1-nə bankın aktivlərinin həcmi 168,307 mln. manat, depozit portfeli 80,089 mln. manat, kredit portfeli 122,040 mln. manat, məcmu kapitalı 30,921 mln. manat, o cümlədən, nizamnamə kapitalı 6,8 mln. manat təşkil edib.