Maliyyə

Ana səhifə

Maliyyə

Azərbaycan Hesablama Palatasının xərcləri artırılır

13 noyabr 2009 15:37 (UTC +04:00)

Bakı. Rəşad Süleymanov – APA-Economics. Azərbaycan parlementinin bu gün keçirilən iclasında «2009-cu ilin dövlət büdcəsi haqqında» qanuna borclanma limitinin yuxarı həddi ilə bağlı dəyişiklik, «Milli Məclisin 2010-cu il üçün xərclər smetası» və «Hesablama Palatasının 2010-cu il üçün xərclər smetası» layihəsi müzakirəyə çıxarılıb.
“APA-Economics”in məlumatına görə, birinci qanuna dəyişiklik barədə məlumat verən İqtisadi siyasət komitəsinin sədri Ziyad Səmədzadə bildirib ki, cari ildə daxili borclanma limitinin yuxarı həddinin 750 mln. manat, xarici borclanma limitinin yuxarı həddinin isə 2 250 mln. manat təklif olunur.
Milli Məclisin işlər idarəsinin müdiri Firudin Hacıyev isə parlamentin xərclər smetası barədə məlumat verərək bildirib ki, cəmi xərcləri 16 827 033 manat təklif olunur. Bunun 12 105 360 manatı əməyin ödənişi, 6 900 849 manatı ştatda olan işçilərin əməkhaqqıdır. O cümlədən 2 104 908 manatını deputatların əməkhaqqına, 160 800 manatı ekspertlərin əməkhaqqına, 2 846 580 manatı isə MM aparatı üzrə əməkhaqqına, 631 400 manatı idarənin saxlanılmasına, 1 008 000 manatı ezamiyyə xərclərinə, 366 738 manatı nəqliyyat xərclərinin ödənilməsinə, 950 min manatı istehlak mallarının və materiallarının alınması üçün nəzərdə tutulur.
Hesablama Palatasının sədri Heydər Əsədov isə bildirib ki, palatanın xərcləri 3 727 021 manat nəzərdə tutulur və bu da ötən ilin göstəricisindən 3% çoxdur. Bunun 3 006 849 manatı əməyin ödənişi, 608 512 manatı malların və xidmətlərin satınalınmasına, 59 852 manatı təqaüdlər və sosial müavinətlərə, 31 min manatı qeyri-maddi aktivlərin alınmasına, 20 808 manatı isə digər xərclərə sərf olunacaq.
Qanun layihələrinin noyabrın 24-də Milli Məclisin iclasında yenidən müzakirəyə çıxarılması planlaşdırılır.