Maliyyə

Ana səhifə

Maliyyə

«Texnika Bank»ın əməkdaşları üçün seminar keçiriləcək

18 noyabr 2009 08:54 (UTC +04:00)

Bakı. Elnur Hüseynquluyev – APA-Economics. Azərbaycan Məhsuldarlıq və Rəqabətə Davamlılıq Mərkəzi noyabrın 20-də «İnsan resurslarının idarə olunması» mövzusunda seminar keçirəcək.

Mərkəzdən «APA-Economics»ə verilən məlumata görə, seminar «Texnika Bank» Səhmdar Kommersiya Bankının (SKB) əməkdaşları üçün təşkil olunacaq. Seminar Almaniyadan dəvət edilmiş ekspertlər, «Mercedes-Benz» şirkətinin İnsan resursları Departamentinin keçmiş direktoru və digər təcrübəli ekspertlər tərəfindən aparılacaq. Xarici ekspertlər bu sahədə Almaniyada olan ən yaxşı təcrübələri seminar iştirakçılarının diqqətinə çatdıracaq.

Qeyd edək ki, Azərbaycan Məhsuldarlıq və Rəqabətə Davamlılıq Mərkəzi Almaniyanın Maktenburq-Vorpomern Texniki Peşə Təhsili İnstitutu ilə «Qafqaz Partnyorluq Layihəsi» üzrə əməkdaşlıq edir. Layihənin məqsədi Azərbaycanda sosial tərəfdaşlar arasında sosial dialoqun inkişaf etdirilməsi, əməkdaşlıq əlaqələrinin genişləndirilməsi, üzvlərə göstərilən xidmətlərin və lobbiçilik fəaliyyətinin təkmilləşdirilməsi sahəsində qabaqcıl Avropa təcrübəsinin öyrənilməsi və tətbiq edilməsidir.