Maliyyə

Ana səhifə

Maliyyə

«Bank of Baku»nun yeni regional filialı açılıb

18 noyabr 2009 09:34 (UTC +04:00)

Bakı. Elnur Hüseynquluyev – APA-Economics. Azərbaycanın «Bank of Baku» Səhmdar Kommersiya Bankının (SKB) Xaçmazda filialı açılıb.

Bankın baş ofisindən «APA-Economics»ə verilən məlumata görə, Xaçmaz rayonu H.Əliyev küçəsi,30 ünvanında yerləşən «Xaçmaz» filialı bankın sayca beşinci regional filialı olub.

Filial fiziki və hüquqi şəxslərə hesabların açılması, kassa-hesablaşma əməliyyatlarının aparılması, əmanətlərin qəbul edilməsi, təcili pul köçürmələri, telefon, mobil və internet rabitəsi üzrə ödənişlərin həyata keçirilməsi, istehlak kreditlərinin, mikrokreditlərin verilməsi, plastik kartların sifarişi və digər bank xidmətləri göstərəcək.

Xatırladaq ki, «Bank of Baku» SKB 1994-cü ilin fevral ayında «Tuqay Bank» adı ilə fəaliyyətə başlayıb. Bankın təsisçiləri rolunda Türkiyənin «NAB Dış Ticarət» şirkəti və bir neçə fiziki şəxs çıxış edir. Cari ilin oktyabr ayının 1-nə bankın aktivlərinin həcmi 179,299 mln. manat, depozit portfeli 84,291 mln. manat, kredit portfeli 130,194 mln. manat, məcmu kapitalı 33,147 mln. manat, o cümlədən nizamnamə kapitalı 6,8 mln. manat təşkil edib. Bankın hazırda respublika üzrə 15 filialı, 25 bankomatı və 205 POS-terminalı mövcuddur.