Maliyyə

Ana səhifə

Maliyyə

Dövlət Statistika Komitəsi: Yanvar-sentyabr aylarında Azərbaycan dövlət büdcəsinin gəlirləri 4%, xərcləri isə 3% azalıb

19 noyabr 2009 11:29 (UTC +04:00)

Bakı. Nicat Mustafayev – APA-Economics. Bu ilin yanvar-sentyabr aylarında Azərbaycanın dövlət büdcəsinin gəlirləri 7,2 mlrd. manat, xərcləri isə 6,5 mlrd. manat təşkil edib.

Dövlət Statistika Komitəsindən «APA-Economics»ə verilən məlumata görə, hesabat dövründə büdcə gəlirlərinin həcmi ötən ilin analoji dövrü ilə müqayisədə 4%, xərclərin həcmi isə 3% azalıb.

Büdcənin icrasında yaranmış 778,2 mln. manatlıq profisit ümumi daxili məhsulun 3,3%-ni təşkil edib. Profisitə gəldikdə isə, ötən illə müqayisədə büdcə profisitinin həcmi 1,2% azalıb.

Ümumiyyətlə, vergi gəlirlərinin 43,6%-i əlavə dəyər vergisindən, 25,6%-i hüquqi şəxslərin mənfəət (gəlir) vergisindən, 12,8%-i fiziki şəxslərin gəlir vergisindən, 6,1%-i aksiz vergisindən, 5,5%-i isə xarici iqtisadi fəaliyyətlə bağlı vergilərdən daxil olub.

Büdcə xərclərinin 2 741,6 mln. manatı (42,5%-i) iqtisadiyyata investisiya qoyuluşuna, 800,8 mln. manatı (12,4%-i) əhalinin sosial müdafiəsi və sosial təminatına, 1 040,9 mln. manatı (16,1%-i) isə təhsil və səhiyyənin maliyyələşdirilməsinə sərf edilib. Xərclərin 31,6%-ni (2 042,8 mln. manatını) əhaliyə əmək haqqı, pensiya və müavinət ödəmələri təşkil edib.