Maliyyə

Ana səhifə

Maliyyə

«Azərbaycan Sənaye Bankı» «Hədiyyə al, hədiyyə qazan» adlı plastik kart kampaniyasına başlayıb

19 noyabr 2009 15:13 (UTC +04:00)

Bakı. Elnur Hüseynquluyev - APA-Economics. «Azərbaycan Sənaye Bankı» Açıq Səhmdar Cəmiyyəti (ASC) «ABBATE» geyim mağazası ilə birgə, «Prestige Club» məhsuluna aid «Hədiyyə al, hədiyyə qazan» adlı plastik kart kampaniyasına başlayıb.

Bankın baş ofisindən «APA-Economics»ə verilən məlumata görə, Qurban bayramı və Yeni il münasibətilə keçirilən kampaniya çərçivəsində, 2010-cu ilin yanvar ayının 1-dək bankın «Prestige Club» plastik kartlarının (debit, kredit və əmək haqqı kartları) sahibləri «Prestige Club» plastik kartları ilə «ABBATE»dən edəcəkləri alış-verişlərdə müəyyən hədiyyələr qazanacaqlar.

Buna əlavə olaraq, «Prestige Club» kart sahibi olan ASB müştərilərinə, növbəti ilin yanvar ayının 1-nə kimi «ABBATE»dən edəcəkləri bütün alış-verişlərdə 20% endirim tətbiq olunacaq.

Qeyd edək ki, «Prestige Club» ASB-nin «VISA Debit», «VISA Virtual», «VISA Classic», «VISA Gold», «VISA Platinum», «VISA Business» və «VISA Infinite» plastik kartlarına sahib olan xüsusi fərdi müştərilərinə xitab etdiyi imtiyazlar paketini təqdim edərək fərdi bankçılıq məhsul və xidmətləridir.

Xatırladaq ki, «Azərbaycan Sənaye Bankı» 1996-cı ildə «CI Bank» kimi fəaliyyətə başlayıb və 2006-cı ilin sonunda brendini dəyişib. Cari ilin noyabr ayının 1-nə bankın aktivlərinin həcmi 104,183 mln. manat, depozit portfeli 69,096 mln. manat, kredit portfeli 57,775 mln. manat, məcmu kapitalı 23,377 mln. manat, o cümlədən nizamnamə kapitalı 20 mln. manat təşkil edir. Bankın respublika üzrə 9 filialı, 23 bankomatı və 257 POS-terminalı mövcuddur.