Maliyyə

Ana səhifə

Maliyyə

Azərbaycanda IPI indeksi oktyabrda yenidən artıb

20 noyabr 2009 12:06 (UTC +04:00)

Bakı. Vahab Rzayev – APA-Economics. Azərbaycanda sənaye istehsalı indeksi (Industrial Production Index – IPI) 2009-cu ilin oktyabr ayında 103,1% təşkil edib. «APA-Economics»in Dövlət Statistika Komitəsinin məlumatları əsasında apardığı hesablamalara görə, bu indeks cari ilin sentyabr ayında 90,5%, avqust ayında isə 113,3%-ə bərabər olub. Beləliklə, indeks sentyabr ayında 22,8 faiz bənd azalmadan sonra oktyabrda 12,6 faiz bəndi artıb.

IPI indeksi hesabat ayında istehsal olunmuş sənaye məhsulunun pul ifadəsində həcminin əvvəlki ayın eyni göstəricisinə faizlə ifadə olunan nisbəti kimi hesablanır. Yəni, indeks oktyabr ayında istehsal edilmiş məhsulun dəyərinin (2 111,4 mln. manat) analoji sentyabr göstəricisinə (2 048,2 mln. manat) bölünməklə hesablanır.

Qeyd edək ki, Dövlət Statistika Komitəsinin məlumatına görə, 2009-cu ilin yanvar-oktyabr aylarında ölkənin sənaye kompleksində 17 111,6 mln. manat həcmində və ya ötən ilin eyni dövrünə nisbətən müqayisəli qiymətlərlə 9,6% çox məhsul istehsal olunub.