Maliyyə

Ana səhifə

Maliyyə

Ötən həftə Azərbaycanın valyuta birja bazarında ünvanlı əqdlər müşahidə olunub

01 dekabr 2009 10:41 (UTC +04:00)

Bakı. Vahab Rzayev – APA-Economics. Azərbaycanda ABŞ dolları üzrə birja valyuta bazarının dövriyyəsi ötən həftə (noyabrın 23-26-da) 69,160 mln. dollar təşkil edib ki, bu da əvvəlki həftənin göstəricisindən 3,8 dəfə çoxdur. Dolların orta həftəlik birja məzənnəsi isə 0,8019 manata bərabər olub.

«APA-Economics»in məlumatına görə, ötən həftə ərzində birja dövriyyəsinin gündəlik göstəriciləri aşağıdakı kimi olub:

Ötən həftənin yekunlarına görə, dolların birja məzənnəsi (Bakı Banklararası Valyuta Birjasının (BBVB) valyuta bölməsində keçirilən ticarət əməliyyatlarının nəticəsi üzrə orta göstərici) 0,17% azalaraq 0,8012 manat təşkil edib. Dolların rəsmi məzənnəsi isə 0,03% azalaraq 0,8024 manata bərabər olub:

Göründüyü kimi, valyuta bazarında bir ticarət sessiyası ərzində məzənnənin kəskin azalması ilə dövriyyənin kəskin artması baş verib. Adətən, bu iki, biri-birinə bağlı olan dəyişiklik bazarın iki iri iştirakçıları arasında ünvanlı konvertasiya əqdləri zamanı müşahidə olunur.

Ötən həftə ərzində avronun rəsmi məzənnəsi 0,15% artaraq həftənin son gününə 1,2130 manat təşkil edib: