Maliyyə

Ana səhifə

Maliyyə

Azərbaycandakı bankların kapitalın yetərliliyi əmsalı üzrə renkinqi

02 dekabr 2009 08:09 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən bank kredit təşkilatlarının 2009-cu ilin oktyabr ayının 1-nə müxtəlif maliyyə göstəriciləri üzrə renkinqlərinin hazırlanması layihəsi çərçivəsində «APA-Economics» bu dəfə bankların kapitalın yetərliliyi əmsalı üzrə sıralamasını təqdim edir.

Bu əmsalın ən sadə hesablanması mexanizmi bankların məcmu kapitalının aktivlərin həcminə nisbətinin çıxarılması prinsipinə əsaslanır. Banklar fəaliyyətin minimal kapital əsasında qurulmasının tərəfdarı olsa da, bank sektorunda tənzimləyici funksiyalarını yerinə yetirən dövlət qurumları əksinə, kapitalın həcminin mütəmadi artırılmasının lehinə çıxış edir. Çünki kapitalın yetərliliyi bankın ümumi etibarlılığını qiymətləndirir.

Ekspertlərin fikrincə, məhz bu göstərici bankın əmanətçilərə maddi ziyan vurmadan hansı səviyyədə zərəri maliyyələşdirmək iqtidarında olduğunu əks etdirir.

Aşağıdakı cədvəldə ölkədəki bankların kapitalın yetərliliyi əmsalı (01.10.2009-cu il vəziyyətinə) barədə məlumat verilir:

Banklar		Məcmu kapital/Aktivlər (%)
1	Kövsər Bank	59,15
2	Bank Avrasiya	57,91
3	Paşa Bank	48,49
4	Gəncəbank	46,49
5	Azərbaycan Kredit Bankı	46,19
6	Günaybank	43,41
7	Melli İran Bankı - Bakı	40,06
8	Birlik Bank	38,73
9	Deka Bank	37,84
10	United Credit Bank	37,75
11	NBCBank	37,03
12	Azərnəqliyyatbank	35,87
13	AmrahBank	32,28
14	Atrabank	31,39
15	YapıKredi Bank Azerbaijan	30,67
16	Qafqaz İnkişaf Bankı	27,03
17	Kredo Bank	24,06
18	Azər-Türk Bank	23,76
19	Azərbaycan Sənaye Bankı	21,91
20	UniBank	21,80
21	AccessBank	20,94
22	Turan Bank	20,04
23	Bank of Baku	18,49
24	DəmirBank	18,07
25	Kapital Bank	17,27
26	Muğan Bank	16,81
27	Bank Standard	16,02
28	Royal Bank	16,01
29	Xalg Bank	15,95
30	Para Bank	15,78
31	AGBank	15,71
32	Rabitabank	15,68
33	Bank Respublika	15,43
34	Texnika Bank	13,35
35	Bank of Azerbaijan	13,33
36	Nikoil Bank	13,30
37	AtaBank	13,17
38	Zamin Bank	10,74
39	Azərbaycan Beynəlxalq Bankı	9,50

Kapitalın yetərliliyi əmsalına gəldikdə isə, ilk yeri respublikanın ən iri bankı - Azərbaycan Beynəlxalq Bankı (ABB) deyil, «Kövsər Bank» tutub. Belə ki, bu bank üzrə kapitalın yetərliliyi əmsalı 59,15%-ə bərabərdir. ABB isə 9,50% göstəricisi ilə sonuncu pillədə qərarlaşıb.

Lakin nəzərə almaq lazımdır ki, beynəlxalq təcrübəyə əsasən, kapitalın yetərliliyi əmsalının 10-20% civarında olmacı daha məqsədəuyğundur və bu, bankın etibarlı olduğunu göstərir. Həmin əmsalın həddindən artıq yüksək olması isə əksər hallarda bankların aktivlər cəlb etmək sahəsində mövcud problemləri ilə bağlıdır. Yəni, yuxarıdakı renkinqin ikinci yarısında yerləşən bankların vəziyyətini müsbət qiymətləndirmək mümkündür.