“APA-Economics”in xəbərinə görə, bu barədə Azərbaycan Mərkəzi Bankı tərəfindən hazırlanmış və cari ilin üç rübünü əhatə edən “Maliyyə Sabitliyi İcmal”ında deyilir.
İcmalda göstərilir ki, cari ilin əvvəli ilə müqayisədə bankların məcmu kapitalı 14,7% (və ya 219.4 mln. manat) artaraq oktyabr 1-nə 1 711,1 mln. manata çatıb.
Bank sektorunun məcmu kapitalın strukturu və dinamikası
(mln. man.)
| 01.01.2008 | 01.01.2009 | 01.10.2009 |
I dərəcəli kapital | 755,3 | 1 091,8 | 1 286,5 |
Nizamnamə kapitalı | 689,5 | 949,7 | 1 057,9 |
Səhmlərin emissiyasından əlavə vəsait | 20,3 | 32,3 | 32,3 |
Bölüşdürülməmiş mənfəət | 59,6 | 125,2 | 214,0 |
II dərəcəli kapital | 305,4 | 449,0 | 472,7 |
Cari ilin mənfəəti | 132,8 | 192,1 | 219,0 |
Ümumi ehtiyatlar | 63,0 | 93,9 | 109,4 |
Kapitalın digər vəsaitləri | 159,3 | 169,7 | 144,3 |
Məcmu kapitaldan tutulmalar | 49,4 | 48,6 | 47,6 |
Tutulmalardan sonra məcmu kapital | 1 009,1 | 1 491,7 | 1 711,1 |
Göründüyü kimi, bankların məcmu kapitalın artımı əsasən I dərəcəli kapitalın (nizamnamə kapitalı və bölüşdürülməmiş mənfəət) yüksəlməsi hesabına bas verib. Öz növbəsində I dərəcəli kapitalın strukturunda bölüşdürülməmiş mənfəətin və ehtiyat kapitalının payı artıb.
Cari ilin oktyabrın 1-nə bank sektorunun kapital adekvatlığı 19,4% təşkil edib ki, bu da ilin əvvəli ilə müqayisədə 0,2 faiz bəndi aşağıdır. Qeyd edək ki, kapitalın adekvatlığı bankların məcmu kapitalın risklərlə ölçülmüş aktivlərin nisbətidir.
Kapital adekvatlığının il ərzində yüksək səviyyəsinin saxlanılması kapitalın artım tempinin (ilin əvvəlindən 14,7%) riskli aktivlərin artım tempinə təxminən adekvat olması ilə əlaqədardır. Nəticədə sektor üzrə kapitalın adekvatlıq göstəricisi Mərkəzi Bankın müəyyən etdiyi minimal normanı (12%) 1,6 dəfə üstələyir. Bank sektoru üzrə kapital adekvatlığı göstəricisinin faktiki səviyyəsi banklarda kifayət həcmdə kapital ehtiyatı buferinin mövcudluğunu əks etdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
