Maliyyə

Ana səhifə

Maliyyə

«Amrahbank» internet-bank xidmətlərinə başlayıb

21 dekabr 2009 10:10 (UTC +04:00)

Bakı. Elnur Hüseynquluyev – APA-Economics. Azərbaycanın «Amrahbank» Səhmdar Kommersiya Bankı (SKB) müştərilər üçün internet-bank xidmətlərini təqdim edib.

Bankın baş ofisdindən «APA-Economics»ə verilən məlumata görə, müştərilər bu xidmətdən istifadə etməklə bankla internet vasitəsi ilə əaqə saxlaya bilərlər. Bu isə müştərinin vaxtına maksimum dərəcədə qənaət etmək, dünyanın istənilən nöqtəsindən internet şəbəkəsinə qoşulmuş kompüter vasitəsilə istənilən bank əməliyyatını (plastik kart hesabının yoxlanılması, kartla aparılmış əməliyyatlar haqqında çıxarışın əldə edilməsi, kommunal xidmətlərdən, mobil telefon və stasionar rabitə xidmətindən istifadə haqlarının ödənilməsi və s.) həyata keçirmək deməkdir.

Xatırladaq ki, təsisçisi 5 yerli fiziki şəxs (51%) və Bəhreyn Beynəlxalq İnvestisiya Bankı (49%) olan «Amrahbank» ASC 1993-cü ildən fəaliyyət göstərir. Cari ilin oktyabr ayının 1-nə bankın aktivlərinin həcmi 63,094 mln. manat, depozit portfeli 35,740 mln. manat, kredit portfeli 36,702 mln. manat, məcmu kapitalı 20,365 mln. manat, o cümlədən nizamnamə kapitalı 12,821 mln. manat olub. Hazırda bankın respublika üzrə 23 filialı, 14 bankomatı və 46 POS-terminalı fəaliyyət göstərir.