Maliyyə

Ana səhifə

Maliyyə

Azərbaycan Bank Tədris Mərkəzi fevralda İT mütəxəssisləri üçün kurslar keçirəcək

13 yanvar 2010 08:23 (UTC +04:00)

Bakı. Elnur Hüseynquluyev - APA-Economics. Azərbaycan Bank Tədris Mərkəzi (ABTM) cari ilin fevral ayının 9-11-də İT mütəxəssisləri üçün «SQL Fundamentals I (baza kursu)» mövzusunda kurslara başlayacaq.

ABTM-dən “APA-Economics”ə verilən məlumata görə, Mərkəz tərəfindən cari ilin fevralın 16-18-də «SQL Fundamentals II (expertlər üçün)» mövzusunda da kurslar keçiriləcək.

Qeyd edək ki, rus dilində keçiriləcək kurslar İT şöbələrinin məlumat bazası ilə işləyən rəhbər və işçiləri üçün nəzərdə tutulub. Kursun iştirakçıları lokal şəbəkəyə qoşulmuş fərdi kompüterlərlə və digər zəruri materiallarla təmin olunacaqlar. Kurs zamanı dinləyicilərə mövzu üzrə materiallar təqdim olunacaq və kursun sonunda sertifikatlar veriləcək. Kursun qiyməti bir dinləyici üçün 250 manatdır (ƏDV daxil deyildir).

ABTM Azərbaycan Banklar Assosiasiyasının törəmə müəssisəsi olaraq Avropa Birliyinin TACIS proqramının köməyi ilə yaradılıb və 2000-ci ilin fevral ayından fəaliyyət göstərir.
ABTM kommersiya bank işi və biznesin idarə edilməsi üzrə 1847 dinləyicinin iştirak etdiyi 116 kurs keçirərək, Azərbaycanın ən böyük təlim müəssisəsi mövqeyini qoruyub saxlayıb. ABTM hazırda Avropa Yaşlıların Təhsili Assosiasiyası, Avropa Bank Tədrisi Şəbəkəsi və Azərbaycan Sahibkarlar Konfederasiyasının üzvüdür.