Maliyyə

Ana səhifə

Maliyyə

«AGBank» bu il yeni bank proqramını tətbiq edəcək

14 yanvar 2010 14:52 (UTC +04:00)

Bakı. Elnur Hüseynquluyev – APA-Economics. Azərbaycanın «AGBank» Açıq Səhmdar Cəmiyyəti (ASC) 2010-cu il ərzində İsveçrənin Temenos şirkətinin istehsalı olan T24 adlı bank proqramının tətbiqinə başlayacaq.

Bankın İnkişaf Departamentinin direktoru Əfqan Cəlilovun «APA-Economics»ə verdiyi məlumata görə, T24 proqramının tətbiqindən sonra bir sıra xidmətlərin keyfiyyətində yüksəlmələr gözlənilir. «Çünki bu sistemin funksionallığı bank tərəfindən təqdim olunan yeni məhsul və xidmətlərin müştərilərin dəyişən tələblərinə daima uyğunlaşmasına, bununla yanaşı, bankdaxili proseslərin, o cümlədən əməliyyatların səmərəliliyinin artırılmasına imkan verəcək”, - deyə Ə.Cəlilov bildirib.

Qeyd edək ki, artıq ölkədə fəaliyyət göstərən kommersiya banklarının əksəriyyəti bu proqramdan istifadə edir.

Xatırladaq ki, «AGBank» ASC 1992-ci ildən fəaliyyət göstərir. Ötən ilin oktyabr ayının 1-nə bankın aktivlərinin həcmi 227,339 mln. manat, depozit portfeli 105,481 mln. manat, kredit portfeli 175,918 mln. manat, məcmu kapitalı 35,724 mln. manat, o cümlədən nizamnamə kapitalı 15 mln. manat təşkil edib. Bankın respublika üzrə 16 filialı mövcuddur.