Maliyyə

Ana səhifə

Maliyyə

Azərbaycandakı lizinq şirkətlərinin portfelin illik dinamikası üzrə renkinqi

09 fevral 2010 06:31 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən maliyyə təşkilatlarının müxtəlif göstəriciləri üzrə renkinqlərinin hazırlanması layihəsi çərçivəsində «APA-Economics» bu dəfə lizinq təşkilatlarının lizinq portfelinin artım dinamikasına görə sıralamasını təqdim edir.

Aşağıdakı cədvəldə ölkədəki aparıcı lizinq təşkilatlarının lizinq portfelinin (2010-cu il yanvar ayının 1-nə) artım tempi barədə (2009-cu il yanvarın 1-nə nisbətən) məlumat verilir:

Lizinq təşkilatları	İllik artım (%)
AtaLeasing	+8,57
Texnika Leasing	- 0,67
Nikoil Leasing	- 4,73
UniLeasing	- 16,31
AGLeasing	- 21,33
Joint Leasing	- 48,55

Cədvəldən göründüyü kimi, ötən il ərzində lizinq xidmətləri bazarında portfelin artım tempi (8,57%) yalnız «AtaLeasing» şirkətində qeydə alınıb. Qalan şirklətlərin lizinq portfelində isə azalmalar müşahidə olunub. Mənfi dinamika maliyyə böhra fonunda əksər lizinq şirkətləri tərəfindən maliyyələşdirmənin məhdudlaşdırılması ilə bağlıdır. Böhranın təsiri nəticəsində 2009-cu il ərzində şirkətlər tərəfindən lizinqə verilən avadanlıqlar, xüsusi təyinatlı texnika və minik avtomobillərinin sayı kəskin azalıb.

Xatırladaq ki, hazırda Azərbaycanda 14 lizinq təşkilatı fəaliyyət göstərir və bunun 11-i Azərbaycan Lizinq Şirkətləri Assosiasiyasının üzvüdür.