Maliyyə

Ana səhifə

Maliyyə

«Amrahbank»ın depozit portfeli ötən il 26% artıb

09 fevral 2010 08:29 (UTC +04:00)

Bakı. Elnur Hüseynquluyev – APA-Economics. Azərbaycanın «Amrahbank» ASC-nin aktivlərinin həcmi 2010-cu ilin yanvar ayının 1-nə 101,811 mln. manat təşkil edib ki, bu da ötən ilin yanvarın 1-nə olan göstəricidən 63,16% çoxdur.

Bankın baş ofisindən «APA-Economics»ə verilən məlumata görə, hesabat ilində bankın depozit portfeli 25,96% genişlənərək 41,176 mln. manat, kredit portfeli 0,79% artaraq 39,898 mln. manat, o cümlədən istehlak kreditlərinin həcmi 3,28% artaraq 25,223 mln. manat olub. Eyni zamanda, bankın nizamnamə kapitalı 12,821 mln. manat təşkil edib.

Qeyd edək ki, ötən il ərzində bankın gəlirləri 8,89% artaraq 9,981 mln. manat, xərcləri isə 7,15% artaraq 4,647 mln. manat olub. Nəticədə, bankın mənfəəti 1,740 mln. manat təşkil edib.

Bu müddət ərzində bankın müştərilərinin sayı 14,42% artaraq 33 015 nəfərə, işçilər üçün orta aylıq əmək haqqı isə 39,02% artaraq 570 manat təşkil edib.

Xatırladaq ki, təsisçisi 4 yerli fiziki şəxs (51%) və Bəhreyn Beynəlxalq İnvestisiya Bankı (49%) olan «Amrahbank» ASC 1993-cü ildən fəaliyyət göstərir. Cari ilin ynavar ayının 1-nə bankın 24 filialı, 18 bankomatı və 50POS-terminalı mövcuddur.