Bank Of Baku

«Rabitəbank» nizamnamə kapitalını artırır

«Rabitəbank» nizamnamə kapitalını artırır
# 14 iyul 2010 11:05 (UTC +04:00)
Bakı. Nicat Mustafayev - APA-Economics. Azərbaycan Qiymətli Kağızlar üzrə Dövlət Komitəsi «Rabitəbank» ASC-nin adlı adi sənədsiz səhmlərinin emissiya prospektini dövlət qeydiyyatına alıb.

Bakı Fond Birjasından (BFB) «APA-Economics»ə verilən məlumata görə, səhmlərin hər birinin nominal dəyəri 20,29 manat, sayı 165 988 ədəd, emissiyanın ümumi həcmi isə 3 367 896,52 manat təşkil edir.

Birja mütəxəssislərinin fikrincə, «Rabitəbank»ın səhmlərinin yerləşdirilməsinə artıq iyul ayında başlanacağı gözlənilir. Yerləşdirmə kütləvi təklif üsulu ilə BFB vasitəsilə keçiriləcək və uğurla başa çatacağı təqdirdə, bankın nizamnamə kapitalı 33,7% artaraq 13 367 896,52 manata çatacaq. Səhmlərin yerləşdirilməsində anderrayter vəzifəsində «Caspian Financial» MMC çıxış edir.

Qeyd edək ki, «Rabitəbank» 1993-cü ildən fəaliyyət göstərir. Bu ilin aprel ayının 1-nə bankın aktivlərinin həcmi 107,640 mln. manat, depozit portfeli 55,561 mln. manat, kredit portfeli 77,414 mln. manat, məcmu kapitalı 13,224 mln. manat, o cümlədən nizamnamə kapitalı 10 mln. manat təşkil edib.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR