«APA-Economics»in məlumatına görə, qərarda iqtisadi fəaliyyət və peşələr üzrə risq dərəcələri 14 səviyyəyə ayrılıb. İcbari sığorta üzrə sığorta tarifləri də buna uyğun təsdiqlənib.
Nazirlər Kabinetinin qərarına əsasən, proqram təminatı, informasiya xidməti, sığorta-pensiya təminatı sahəsində işləyənlər, hüquqşünas və mühasiblər, mərkəzi ofislərin işçiləri, turoperatorların sifariş xidmətlərində, eləcə də dövlət idarəetməsi və müdafiə sahəsində çalışanlar, ictimai və humanitar sahədə, reklam bazarında tədqiqat aparanlar, ictimai birliklər və toxunulmazlıq hüququ olan təşkilatlarda çalışanlar istehsalatda bədbəxt hadisələr və peşə xəstəlikləri baxımından ən az risqi olan kateqoriyaya aid edilib. Peşə xəstəlikləri və bədbəxt hadisələr baxımından ən risqli sahələr isə binaların tikintisi, neft-qaz, metal filizləri və daş kömür hasilatı, hasilat sənayesinin digər sahələri, aqrokimyəvi məhsulların, beton, gips və sementdən məmulatların istehsalı, çuqun və polad emalı, tikinti konstruksiyalarının istehsalı və s. hesab olunub.
Təhsil, səhiyyə, daşınmaz əmlakla əməliyyatlar, avtomobil satışı, qumar oyunlarının təşkili və s. sahələr 2-ci risq dərəcəsinə, əkinçilik, baytarlıq, nəşriyyat xidmətləri və geyim istehsalı 3-cü risq dərəcəsinə, heyvandarlıq və məişət kiyası istehsalı 4-cü risq dərəcəsinə, ovçuluq və idman 5-ci risq dərəcəsinə, kompüter istehsalı və təmiri 6-cı risq dərəcəsinə, meyvə-tərəvəz emalı, kağız və şüşə istehsalı 7-ci risq dərəcəsinə, dəmiryol daşımaları, hava və su nəqliyyatı 8-ci risq dərəcəsinə, silah və mebel istehsalı, avtomobillə yük daşımaları 9-cu risq dərəcəsinə, boya, lak, elektrik kabelləri və cihazlarının istehsalı 10-cu risq dərəcəsinə, abraziv məmulatların və sair qeyri-metal mineral məhsulların istehsalı 11-ci risq dərəcəsinə, balıqçılıq, polad boru, avtomobil və kənd təsərrüfatı texnikasının, hərbi avtomobillərin istehsalı, avtomobillərə texniki xidmət və təmiri 12-ci risq dərəcəsinə, kimyəvi maddələr, gübrə və azot birləşmələrinin, plastik kütlə və sintetik kauçukun istehsalı, sement və əlvan metalların istehsalı, eləcə də binaların sökülməsi 13-cü risq dərəcəsinə aid edilib (cədvəl 1).
Qərara əsasən, ən az risqli sahələr üzrə icbari sığorta tarifi 0,4%, ən yüksək risqli sahələr üzrə isə 2% müəyyənləşdirilib. Fəhlələrin sığorta olunması üçün sığorta tarifləri eyni sahədə çalışan qulluqçulara nisbətən 2-4 dəfə artıqdır (cədvəl 2).
Müxtəlif iqtisadi fəaliyyət üzrə risq dərəcələri
1-ci risk dərəcəsi |
Yaşayış üçün yerlər tərəfindən xidmətlərin göstərilməsi |
Proqram təminatının işlənməsi, bu sahədə məsləhətlər və bununla əlaqədar fəaliyyət |
İnformasiya xidmətləri fəaliyyəti |
Maliyyə fəaliyyəti (sığorta və pensiya təminatı üzrə xidmətlərdən başqa) |
Sığorta, təkrarsığorta və pensiya təminatı |
Hüquq və mühasibat uçotu sahəsində fəaliyyət |
Mərkəzi ofislərin fəaliyyəti və idarəetmə sahəsində fəaliyyət |
İctimai və humanitar elmlər sahəsində tədqiqatlar və işləmələr |
Reklam fəaliyyəti və bazarın öyrənilməsi |
Məşğulluq sahəsində fəaliyyət |
Səyahət agentliklərinin və turoperatorların əvvəlcədən sifariş etmə xidməti və bununla əlaqədar fəaliyyət |
Mənzərələrin dəyişdirilməsi üzrə xidmətlərin göstərilməsi |
Dövlət idarəetməsi və müdafiə; icbari sosial təminat |
İctimai birliklərin (təşkilatların) fəaliyyəti |
Toxunulmazlıq hüququ olan təşkilatların fəaliyyəti |
2-ci risk dərəcəsi |
Avtomobillərin satışı |
Avtomobillər üçün hissələrin, qovşaqların və ləvazimatların satışı |
Avtomobil və motosikletlərin satışından başqa, topdan satış |
Avtomobil və motosikletlərin satışından başqa pərakəndə satış |
Poçt və kuryer fəaliyyəti |
İçki və yeməklərin satışı ilə əlaqədar xidmətlərin göstərilməsi |
Kinofilmlərin, video və televiziya proqramlarının istehsalı, səsyazma və musiqi nəşrləri ilə əlaqədar fəaliyyət |
Proqramların tərtib edilməsi, radio və televerilişlərin translyasiya edilməsi ilə əlaqədar fəaliyyət |
Məlumat texnologiyaları və hesablama texnikası sahəsində sair fəaliyyət |
Maliyyə xidmətləri və sığorta sahəsində yardımçı fəaliyyət |
Daşınmaz əmlakla əlaqədar əməliyyatlar |
Memarlıq, mühəndis axtarışları və bu sahələrdə texniki məsləhətlərin verilməsi |
Təbii və texniki elmlər sahəsində tədqiqatlar və işləmələr |
Digər peşəkar, elmi və texniki fəaliyyət |
Kirayə və lizinq fəaliyyəti |
Təmizlik işləri üzrə fəaliyyət |
Biznesin mühafizəsinə yönəldilmiş inzibati və sair əlavə fəaliyyət |
Təhsil |
Səhiyyə sahəsində fəaliyyət |
Sosial xidmətlərin göstərilməsi |
Yaşayışla təminatsız sosial xidmətlərin göstərilməsi |
İncəsənət sahəsində sair fəaliyyətin göstərilməsi və mədəni-kütləvi əyləncəli tədbirlərin həyata keçirilməsi |
Kitabxana, arxiv, muzeylərin və digər mədəniyyət müəssisələrinin fəaliyyəti |
Qumar oyunlarının təşkili və mərc çəkmək üzrə fəaliyyət |
İstirahət və əyləncələrin təşkili üzrə fəaliyyət |
Sair fərdi xidmətlərin göstərilməsi |
3-cü risk dərəcəsi |
Birillik bitkilərin becərilməsi |
Çoxillik bitkilərin becərilməsi |
Bitkilərin çoxaldılması (əkilməsi) |
Heyvandarlıqla əlaqəli bitkiçilik |
Geyim istehsalı |
Poliqrafiya fəaliyyəti və yazılmış məlumatların daşıyıcılara çoxaldılması |
Oyun və oyuncaqların istehsalı |
Nəşriyyat fəaliyyəti |
Baytarlıq fəaliyyəti |
4-cü risk dərəcəsi |
Heyvandarlıq |
Kənd təsərrüfatı sahəsində xidmət göstərilməsi |
Balıqyetişdirmə |
Süd məhsullarının istehsalı |
Sabun və yuyucu tozların, təmizləyici və cilalayıcı vasitələrin, ətriyyat və kosmetika vasitələrinin istehsalı |
Əczaçılıq məhsullarının istehsalı |
Motosikletlərin, onların hissələrinin, qovşaqlarının və ləvazimatlarının satışı, motosikletlərə texniki xidmət və təmiri |
Yardımçı-texniki xidmətlərin fəaliyyəti |
Muzdlu işçilərlə şəxsi ev təsərrüfatlarının fəaliyyəti |
5-ci risk dərəcəsi |
Ovçuluq və vəhşi heyvanların yetişdirilməsi və bu sahələrdə xidmətin göstərilməsi |
Ət məhsullarının istehsalı (emalı) |
Dəyirman-ding sənayesi məhsullarının nişasta və nişasta məhsullarının istehsalı |
Un və un məmulatlarının istehsalı |
Heyvanlar üçün hazır yemlərin istehsalı |
İçki istehsalı |
Toxuculuq sənayesi |
İstintaqın aparılması və təhlükəsizliyin təminatı |
Dəri və dəridən məmulatların, ayaqqabıların istehsalı |
Mərkəzi istilik qazanlarından başqa buxar qazanlarının istehsalı |
İdman sahəsində fəaliyyət |
6-cı risk dərəcəsi |
Sair qida məhsullarının istehsalı |
Kompüter, elektron və optik məhsulların istehsalı |
Zərgərlik məmulatların və süni daş-qaşların istehsalı |
Musiqi alətlərinin istehsalı |
İdman mallarının istehsalı |
Digər qruplara daxil edilməyən müxtəlif məhsulların istehsalı |
Bəzək və tamamlayıcı işlər |
Anbar təsərrüfatı və yardımçı nəqliyyat fəaliyyəti |
Kompüterlərin, şəxsi istifadə əşyalarının, məişət mallarının təmiri |
7-ci risk dərəcəsi |
Meyvə və tərəvəzlərin emalı və konservləşdirilməsi |
Bitki və heyvan yağları və piylərinin istehsalı |
Tütün məmulatlarının istehsalı |
Kağız və karton istehsalı |
Şüşə və şüşədən məmulatların istehsalı |
Odadavamlı məmulatların istehsalı |
Gildən sair tikinti məmulatlarının istehsalı |
Sair çini və saxsı məmulatların istehsalı |
Metalların emalı və metallara örtük çəkilməsi, maşınqayırmanın əsas texnoloji prosesləri |
Bıçaq məmulatlarının, alətlərin və dəmir məmulatlarının istehsalı |
Tullantıların yığılması, emalı və məhv edilməsi; istehsalat tullantılarından təkrar istifadə edilməsi |
Boru kəməri nəqliyyatının fəaliyyəti |
Texniki sınaq və nəzarət |
8-ci risk dərəcəsi |
Rezin və plastmas məmulatların istehsalı |
Gəmiqayırma |
Hazır metal məmulatlarının, maşın və avadanlıqların təmiri |
Şəhərlərarası dəmir yolu xətti ilə sərnişin daşınması |
Dəmir yolu vasitəsilə yük daşınması |
Su nəqliyyatının fəaliyyəti |
Hava nəqliyyatının fəaliyyəti |
Rabitə |
9-cu risk dərəcəsi |
Mebeldən başqa ağacın emalı və ağacdan məmulatların və tıxacın istehsalı; hopdurma və hörmə materialların istehsalı |
Silah və hərbi sursat istehsalı |
Dəzgahların istehsalı |
Mebellərin istehsalı |
Tibbi və stomatologiya təcrübəsində tətbiq olunan alətlərin istehsalı |
Digər tullantıların yığılması və məhv edilməsi |
Sair quru yol nəqliyyatının fəaliyyəti |
Yük avtomobil nəqliyyatlarının fəaliyyəti |
10-cu risk dərəcəsi |
Boya və lakların istehsalı |
Sair kimyəvi məhsulların istehsalı |
Süni və sintetik kimyəvi liflərin istehsalı |
Metalın döyülməsi, preslənməsi, ştamplanması və profillənməsi, toz metallurgiyası |
Elektrik naqillərinin və elektrik şəbəkələri üçün cihazların istehsalı |
Elektrik lampaları və işiqlandırıcı avadanlıqların istehsalı |
Məişət cihazlarının istehsalı |
11-ci risk dərəcəsi |
Balıq, xərçəngkimilər və molyuskaların emalı və konservləşdirilməsi |
Abraziv məmulatların və sair qeyri-metal mineral məhsulların istehsalı |
Sair hazır metal məmulatlarının istehsalı |
Ümumi təyinatlı sair maşınların istehsalı |
12-ci risk dərəcəsi |
Balıqçılıq |
Çuqun, polad və ferroərinti istehsalı |
Poladdan boru, içi boş profillər və birləşdirici hissələrin istehsalı |
Elektrik mühərriklərinin, generatorlarının, transformatorların və elektrik paylayıcı və tənzimləyici cihazlarının istehsalı |
Sair elektrik avadanlıqlarının istehsalı |
Ümumi təyinatlı avadanlıqların istehsalı |
Kənd və meşə təsərrüfatı üçün maşın və avadanlıqların istehsalı |
Avtomobil, qoşqu və yarımqoşquların istehsalı |
Dəmir yolu nəqliyyatı vasitələrinin istehsalı |
Hərbi avtomobillərin istehsalı |
Digər qruplara daxil edilməyən nəqliyyat vasitələri və avadanlıqlarının istehsalı |
Avtomobillərə texniki xidmət göstərilməsi və onların təmiri |
13-cü risk dərəcəsi |
Meşə təsərrüfatı və bu sahədə xidmətin göstərilməsi |
Koks və təmizlənmiş neft məhsullarının istehsalı |
Əsas kimyəvi maddələrin, gübrə və azot birləşmələrinin, ilkin formalarda plastik kütlə və sintetik kauçukun istehsalı |
Sement, əhəng və gips istehsalı |
Əlvan metalların istehsalı |
Metal tökmə |
Xüsusi təyinatlı sair maşın və avadanlıqların istehsalı |
Sənaye maşın və avadanlıqlarının quraşdılrılması |
Elektrik enerjisi, qaz, buxar və kondisiyalaşdırılmış hava ilə təchizat |
Suyun yığılması, təmizlənməsi və paylanması |
Çirkli suların yığılması və emalı |
Binaların sökülməsi və tikinti sahəsinin hazırlanması |
Elektrik və su kəməri sistemlərinin və sair mühəndis avadanlıqlarının quraşdırılması |
İxtisaslaşdırılmış tikinti işləri |
14-cü risk dərəcəsi |
Daş kömür və liqnit hasilatı |
Xam neft və təbii qaz hasilatı |
Metal filizlərinin hasilatı |
Mədənçıxarma sənayesinin digər sahələri |
Mədənçıxarma sənayesi sahəsinə xidmətlərin göstərilməsi |
Aqrokimyəvi məhsulların istehsalı |
Beton, gips və sementdən məmulatların istehsalı |
Dekorativ və tikinti daşlarının kəsilməsi, emalı və naxışlanması |
Çuqun və poladın sair ilkin emalı |
Metaldan tikinti konstruksiyaları və məmulatlarının istehsalı |
Metal sisternlərin, radiatorların və çənlərin istehsalı |
Batareyaların və akkumulyatorların istehsalı |
Kosmik aparatlar da daxil olmaqla, uçan aparatların istehsalı |
Binaların tikintisi |
Mülkü təyinatlı inşaat işləri |
İcbari sığorta tarifləri
Peşə riskinin | Sığorta olunanların kateqoriyaları üzrə sığorta tarifi (faizlə) | |
qulluqçular | fəhlələr | |
1 | 0,2 | 0,4 |
2 | 0,2 | 0,5 |
3 | 0,2 | 0,6 |
4 | 0,2 | 0,8 |
5 | 0,2 | 0,9 |
6 | 0,3 | 1,0 |
7 | 0,3 | 1,2 |
8 | 0,3 | 1,4 |
9 | 0,4 | 1,5 |
10 | 0,4 | 1,6 |
11 | 0,4 | 1,7 |
12 | 0,5 | 1,8 |
13 | 0,5 | 1,9 |
14 | 0,5 | 2,0 |
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
