Maliyyə

Ana səhifə

Maliyyə

Bakı Fond Birjasının dövriyyəsi kəskin artıb

02 sentyabr 2011 12:02 (UTC +04:00)

Bakı. Nicat Mustafayev – APA-Economics. Bu ilin yanvar-avqust ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 5,286 mlrd. manat təşkil edib. Bu isə 2010-cu ilin analoji dövrünə nisbətən 4,5 dəfə çoxdur.

BFB-dan «APA-Economics»ə verilən məlumata görə, ümumilikdə, hesabat dövründə korporativ qiymətli kağızlar (KQK) bazarı 35,9% artıb. Korporativ istiqrazların ilkin bazarında 59 əqd üzrə 94,890 mln. manatlıq yerləşdirmə qeydə alınıb, istiqrazların təkrar bazarında isə 59 əqd üzrə 212,865 mln. manatlıq əqd bağlanılıb ki, ötən ilin yanvar-avqust ayları ilə müqayisədə istiqrazların ilkin bazarı 49,2%, təkrar bazarı isə 90% artıb. Ümumiyyətlə, korporativ istiqrazlar bazarı ilin ilk 8 ayı ərzində 75,2% genişlənib.

Səhm bazarına gəldikdə isə, hesabat dövründə bu növ kağızlar üzrə qeydə alınan əqdlərin həcmi 81,340 mln. manat təşkil edib və 2010-cu ilin yanvar-avqust aylarına nisbətən 26,5% azalıb. Səhmlərin ilkin bazarı 28,3% azalıb, təkrar bazarı isə 12,3% artıb.

Korporativ qiymətli kağızlar bazarı
(yanvar-avqust, 2011)

Bazarın seqmentləri	Yanvar-avqust, 2011		Yanvar-avqust, 2010		Dinamika
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Dinamika
Korporativ istiqrazlar (yerləşdirmə)	94 889 971,50	59	63 580 402,10	76	49,2%
Korporativ istiqrazlar (təkrar bazar)	212 864 952,01	59	112 099 779,29	73	90%
KI bazarı cəmi	307 754 923,51	118	175 680 181,39	149	75,2%
Səhmlər (yerləşdirmə)	75 868 402,58	109	105 847 030,96	942	-28,3%
Səhmlər (təkrar bazar)	5 470 910,24	2 471	4 871 319,96	1 400	12,3%
Səhm bazarı cəmi	81 339 312,82	2 580	110 718 350,92	2 342	-26,5%
KQK bazarı cəmi	389 094 236,33	2 698	286 398 532,31	2 491	35,9%

Bundan başqa, cari ilin yanvar-avqust aylarında birjada dövlət istiqrazları (Dİ) bazarında da artım müşahidə olunub. Belə ki, hesabat dövründə dövlət istiqrazları bazarının həcmi 5% artıb, o cümlədən istiqrazların ilkin bazarının həcmi 39,5% artıb, təkrar bazarın həcmi isə 54,5% azalıb. Ümumiyyətlə, yanvar-avqust aylarında dövlət qiymətli kağızlar (DQK) bazarının həcmi ötən ilin analoji dövrü ilə müqayisədə 5,5 dəfə artıb.

Dövlət qiymətli kağızları bazarı
(yanvar-avqust, 2011)

Bazarın seqmentləri	Yanvar-avqust, 2011		Yanvar-avqust, 2010		Dinamika
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Dinamika
Dİ (AMN) (yerləşdirmə)	196 760 768,77	109	141 016 523,06	59	39,5%
Dİ (AMN) (təkrar bazar)	37 363 495,54	38	82 132 035,24	42	-54,5%
Dİ bazarı cəmi	234 124 264,31	147	223 148 558,30	101	5%
Notlar (AMB) (yerləşdirmə)	527 072 784,43	202	137 466 475,80	117	3,8 dəfə
Notlar (AMB) (təkrar bazar)	9 555 687,77	5	5 564 936,87	2	71,7%
Not bazarı cəmi	536 628 472,20	207	143 031 412,67	119	3,7 dəfə
Repo əməliyyatları	4 126 502 225,73	871	524 290 763,14	512	7,9 dəfə
DQK bazarı cəmi	4 897 254 962,24	1 225	890 470 734,11	732	5,5 dəfə

Dİ – dövlət istiqrazları;
AMN – Azərbaycan Maliyyə Nazirliyi;
AMB – Azərbaycan Mərkəzi Bankı;
DQK – Dövlət qiymətli kağızları;
KQK – Korporativ qiymətli kağızlar.