Maliyyə

Ana səhifə

Maliyyə

«AXA MBASK» şirkətinin daxilolmaları son bir ildə 75% artıb

09 sentyabr 2011 07:37 (UTC +04:00)

Bakı. Elnur Hüseynquluyev – APA-Economics. «AXA MBASK» şirkətinin 2011-ci ilin yanvar-iyul aylarında topladığı sığorta haqlarının həcmi 7,587 mln. manat təşkil edib ki, bu da ötən ilin analoji dövrünün göstəricisi ilə müqayisədə 75% çoxdur.

Şirkətin Bakı ofisindən «APA-Economics»ə verilən məlumata görə, həyat sığortası üzrə sığorta haqları istisna olmaqla, qalan sığorta növləri üzrə şirkətin bazar payı 2,67 faiz bəndi artaraq 7,57%-dək yüksəlib. Şirkətdən bildirilib ki, həyat sığortası haqları ilə bir yerdə «AXA MBASK»ın bazar payı 6,51%-dir.

Qeyd edək ki, hesabat dövründə şirkətin sığorta hadisələri üzrə ödəyi vəsaitlərin həcmi 5,3% artaraq 1,726 mln. manat olub.

Xatırladaq ki, «AXA MBASK» sığorta şirkəti 1992-ci ildən fəaliyyət göstərir. Şirkətin səhmdarları sırasında «AXA Group»un törəmə müəssisəsi olan «AXA Seguros Generales» (51%) və bir fiziki şəxs (49%) çıxış edir. Cari il yanvarın 1-nə şirkətin nizamnamə kapitalı 5,730 mln. manat təşkil edir. Hazırda şirkət 29 sığorta növü üzrə xidmət göstərir.