Maliyyə

Ana səhifə

Maliyyə

«Azərbaycan Sənaye Bankı» «Bank fəaliyyətinin əsasları» kitabının nəşrini maliyyələşdirib

05 dekabr 2011 12:12 (UTC +04:00)

Bakı. Elnur Hüseynquluyev - APA-Economics. «Azərbaycan Sənaye Bankı» Zahid Məmmədovun müəllifliyi ilə işıq üzü görən «Bank fəaliyyətinin əsasları» kitabının nəşrini maliyyələşdirib.

Bankın baş ofisindən «APA-Economics»ə verilən məlumata görə, bununla bağlı keçirilən təqdimat mərasimində dövlət və özəl qurumların maliyyə departamentlərinin nümayəndələri, Azərbaycan Dövlət İdarəçilik Akademiyasının və Azərbaycan Dövlət İqtisad Universitetinin prezident təqaüdçüsü olan bir qrup tələbəsi, professorlar iştirak edib.

Ümumilikdə kitab geniş oxucu auditoriyası, xüsusən də maliyyə və bank sahəsində fəaliyyət göstərən mütəxəssislər, maliyyə və dünya iqtisadiyyatı, mühasibat uçotu və audit ixtisasları üzrə tədris edən müəllim və tələbələr üçün nəzərdə tutulan elmi nəzəri- praktiki nəşrdir.

«Bank fəaliyyətinin əsasları» kitabında yer alan mövzular Azərbaycan dillində iqtisadi ədəbiyyatda ilk dəfə toplu şəklində hazırlanıb. Kitab istər «Bank işi» fənninin tədrisi prosesində, istərsə də banklarda işləmək məqsədilə imtahan verəcək məzunlar üçün yararlı və faydalı elmi-nəzəri və praktiki nəşrdir.