Maliyyə

Ana səhifə

Maliyyə

«Ekonomist» analitik jurnalının növbəti sayı çapdan çıxıb

10 fevral 2012 14:09 (UTC +04:00)

«APA-ECONOMICS»in məlumatına görə, 2010-cu ilin fevral ayından nəşr olunan jurnalın artıq 23 buraxılışı işıq üzü görüb.

«Ekonomist» jurnalında oxucular Azərbaycanın sosial-iqtisadi həyatının müxtəlif sahələri üzrə icmal və analitik xarakterli məqalə və araşdırma yazıları ilə tanış ola bilərlər. Jurnalın bu sayında daşınmaz əmlak bazarının icmalı, Bakı şəhəri yaxınlığında dənizdə salınan şəhər barədə məqalə, elmin maliyyələşdirilməsi, borcların yığılması, yol qəzaları, mərc oyunları haqqında məqalələr, sığorta şirkətlərinin renkinqi dərc edilib.

Qeyd edək ki, «Ekonomist» jurnalını həm redaksiya vasitəsilə, həm də «Qasid», «Qaya» və «Azərmətbuatyayım» şirkətlərinin Bakı və Sumqayıt şəhərləri ərazisində fəaliyyət göstərən köşklərində abunə olmaq və almaq mümkündür. Bununla yanaşı, «Ekonomist» və «Metro-Servis» şirkətləri arasında imzalanmış əməkdaşlıq müqaviləsinə əsasən, jurnalın buraxılışlarını Bakı Metropoliteninin stansiyalarında da almaq olar.

Jurnal ayda bir dəfə, rus dilində, 3 min tirajla, A4 formatında nəşr olunur.