Bu gün Azərbaycan Mərkəzi Bankında (AMB) Dövlət Neft Fondunun iştirakı ilə növbəti valyuta hərracı keçirilib.
"APA-Economics"in AMB-yə istinadən verdiyi xəbərə görə, hərracda tələb 56,5 mln. ABŞ dolları təşkil edib və tam təmin edilib. Beləliklə, sonuncu valyuta hərracında tələb əvvəlki hərracla (9 aprel 2020-ci il tarixində keçirilib – red.) müqayisədə 2,7% və ya 1,5 mln. çoxalıb.
Hərracda manatın ortaçəkili məzənnəsi 1,7000 səviyyəsində formalaşıb.
Ümumiyyətlə, bu ilin martın 10-dan bu günə kimi 12 hərrac keçirilib ki, bu hərraclarda banklar 1 913,6 mln. dollar əldə edib.