Böyük Britaniyanın Azərbaycanda qızıl, gümüş və mis hasil edən şirkəti “Anglo Asian Mining PLC” şirkəti 2024-cü il üzrə göstəricilərini açıqlayıb.
"APA-Economics" xəbər verir ki, şirkət 2024-cü ildə 16,760 qızıl unsiya ekvivalentində (GEOs) qiymətli metal hasil edib. Bu da əvvəlki ilə nisbətən 47,3% azdır. 2023-cü ildə bu rəqəm 31,821 unsiya təşkil edib.
"Anglo Asian" 2024-cü ildə 15,073 unsiya qızıl hasil edib ki, bu da ötən ilin eyni dövrünə nisbətən 31% azdır (2023-cü ildə 21,758 unsiya qızıl).
Şirkətin mis hasilatı son bir ildə 2,138 tondan 377 tona düşüb. Gümüş hasilatı isə 2023-cü ildəki ilk yarısındakı 53,226 unsiyadan bu ilin birinci rübündə 28,258 unsiyaya qədər azalıb.
AAM 2024-cü ildə 16,01 milyon dollar həcmində 6031 unsiya (bir unsiya üçün 2,655 ABŞ dolları ) külçə qızıl satışı həyata keçirib. 2023-cü ildə şirkət 2416 unsiya qızıl külçə (2,004 dollar) satışı həyata keçirib. Mis konsentratının satışları isə 2,3 milyon dollardan 1,5 milyon dollara qədər azalıb.
Xatırladaq ki, “Anglo-Asian Mining” Azərbaycanda 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə çərçivəsində hasilatla məşğul olur. Müqavilədə Azərbaycanın payı 51%, “Anglo-Asian Mining Plc.” şirkətinin payı 49% təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
