"Günay Sığorta" şirkətinin idarə heyətinə müvəqqəti icraedici təyin edilib. Sığorta şirkətinin nümayəndəlik və filiallarla iş departamentinin direktoru Pərviz Rzayev 2 ay müddətinə idarə heyətinin sədrinin səlahiyyətlərini icra edəcək.
Pərviz Rzayev "APA-Economics"ə açıqlamasında məlumatı təsdiqləyib.
Qeyd edək ki, "Günay Sığorta"nın İdarə Heyətinin sədri Mahir Niftəliyev avqustun 1-dən öz ərizəsi ilə şirkətdən ayrılıb. Bu müddətdə sığorta şirkətinin idarə heyəti boş qalıb.
Xatırladaq ki, "Günay Sığorta" 1992-ci ildə yaradılıb. Şirkətin səhmlərinin 58,31%-i Yeganə Şirinovaya ("Günay Bank" ASC-nin 41,15 %-lik səhmdarı), 33,27 %-i Mahmud Məmmədova ("Günay Bank"ın 58,22 %-lik səhmdarı və Müşahidə Şurasının sədri), 8,42 %-i isə "Günay Bank"a məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
