“Kapital Bank”ın aktivlərinin həcmi 2016-cı ilin IV rübündə 3 096,691 mln. manat təşkil edib ki, bu da 2015-ci il ilə müqayisədə 53,5% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 14,77% artaraq 1 267,012 mln. manat olub.
Bankın depozit portfeli bu ilin yanvarın 1-nə 1 916,456 mln. manat olub ki, bu da 2015-ci il ilə müqayisədə 70,26% çoxdur.
Bir il ərzində bankın məcmu kapitalı 264,398 mln. manat, nizamnamə kapitalı dəyişməyərək 185,850 mln. manat təşkil edib.
Bu ilin yanvarın 1-nə bankın gəlirləri 336, 589 mln. manat, xərcləri 202,101 mln. manat təşkil edib.
Bank ötən ili 52 mln. 385 min manat mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
