"Bank Respublika" ASC ötən il aktivlərini 2,1% artıraraq 912,117 mln. manata çatdırıb. "APA-Economics" xəbər verir ki, bu barədə bankın balans hesabatında qeyd edilib.
Hesabat dövründə bankın kredit portfeli 10% daralaraq 269,116 mln. manata enib. İlin sonuna "Bank Respublika" kreditlər üzrə 14,058 mln. manatlıq məqsədli ehtiyat yaradıb.
Cari ilin yanvarın 1-ə bankın öhdəliklərinin həcmi 871,793 mln. manata çatıb ki, bu da ötən ilin əvvəli ilə müqayisədə 4% çoxdur. Bankın depozit portfeli 1% azalaraq 551,816 mln. təşkil edib. Hesabat dövründə banka yatırılan fiziki şəxslərin depozitləri 29,1% azalaraq 189,961 mln. manata çatıb. Öhdəliklərin strukturuna nəzər saldıqda məlum olur ki, ötən il bank maliyyə sektoru institutlarından 311,058 mln. manat vəsait cəlb edib.
Bankın məcmu kapitalı il ərzində 15,3% azalaraq 51,677 mln. manata çatıb. Mәcmu kapitalın adekvatlıq әmsalı 17,14%-dir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
