“Paşa Bank”ın aktivlərinin həcmi 2016-cı ilin III rübündə 2 782,553 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 76,6% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 15,3% artaraq 809,356 mln. manat olub. Vaxtı keçmiş kreditlərin həcmi 89,992 mln. manat təşkil edir ki, bu da ümumi kredit portfelinin 11,12%-dir.
Bankın depozit portfeli hesabat dövrü ərzində 2,24 dəfə artaraq 1 953,013 mln. manata, çatıb. Əhalinin əmanətləri 385,664 mln. manat olub ki, bu da illik müqayisədə 64,4% çoxdur. Öhdəliklərin həcmi isə illik müqayisədə 97% artaraq 2 413,947 mln. manat olub.
Bir il ərzində bankın məcmu kapitalı 6,66% artaraq 368,606 mln. manata çatdığı halda, nizamnamə kapitalı 333 mln. manat səviyyəsində qalıb.
Bankın gəlirləri ötən ilin müvafiq dövrünə nisbətən 84,5% artaraq 137,315 mln. manata, xərcləri isə 75,3 artaraq 70,712 mln. manata çatıb.
Cari ilin III rübünü bank 12,654 mln. manat mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
