Bakı. Musa Əhmədov – APA-Economics. 2015-ci ilin aprel ayında sənaye məhsullarının istehsalçı qiymətləri əvvəlki ayla müqayisədə 5,4% bahalaşıb.
“APA-Economics” Dövlət Statistika komitəsinə istinadən xəbər verir ki, ötən ay mədənçıxarma sənayesi bölməsində istehsalçı qiymətlərində metal filizlərinin hasilatı üzrə 4% ucuzlaşma, xam neft və təbii qaz hasilatı üzrə 5,4%, daş, qum, çınqıl, duz və digər mədənçıxarma sənayesi məhsullarının hasilatı üzrə isə istehsalçı qiymətlərində 2,7% bahalaşma müşahidə olunub.
Aprel ayında emal sənayesi bölməsində istehsalçı qiymətləri maşın və avadanlıqların quraşdırılması və təmiri üzrə 3,7%, toxuculuq sənayesi, içki istehsalı, elektrik avadanlıqlarının, kompüter və digər elektron avadanlıqların istehsalı üzrə 0,4%, tikinti məmulatlarının istehsalı üzrə 0,3% ucuzlaşıb, kimya sənayesi üzrə 25,7%, tütün məmulatlarının istehsalı üzrə 12,7%, rezin və plastik kütlə məmulatlarının istehsalı üzrə 12,3%, metallurgiya sənayesi üzrə 6,5%, neft məhsullarının istehsalı üzrə 6,1%, qida məhsullarının istehsalı üzrə 4,3%, maşın və avadanlıqlardan başqa hazır metal məmulatlarının istehsalı üzrə 4,1%, mebel istehsalı üzrə 1,8%, geyim istehsalı üzrə 1,4%, dəri, dəridən məmulatların, ayaqqabıların istehsalı üzrə 0,8%, avtomobil və qoşquların istehsalı üzrə 0,7%, poliqrafiya fəaliyyəti üzrə isə istehsalçı qiymətləri 0,6% bahalaşıb.
Ay ərzində elektrik enerjisi, qaz və buxar istehsalı, bölüşdürülməsi və təchizatı, su təchizatı, tullantıların təmizlənməsi və emalı bölmələri üzrə isə heç bir dəyişiklik müşahidə olunmayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
