Azərbaycana idxal edilən reaktiv mühərriklər üçün TC-1 markalı yanacağın gömrük idxal rüsumundan azad edilmə müddəti uzadılıb.
APA-nın məlumatına görə, Nazirlər Kabineti bununla bağlı "Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında" Azərbaycan Respublikası Nazirlər Kabinetinin 2001-ci il 12 aprel tarixli 80 nömrəli qərarında dəyişikliklər edilməsi barədə" 2017-ci il 22 avqust tarixli qərarında dəyişiklik edib.
Nazirlər Kabinetinin 2017-ci il 22 avqust tarixli qərarına əsasən reaktiv mühərriklər üçün TC-1 markalı yanacaq 2017-ci iln 1 aprel tarixindən 2017-ci il 20 noyabr tarixinədək gömrük idxal rüsumundan azad olunub. Nazirlər Kabinetinin yeni qərarı ilə bu müddət 2018-ci il 31 yanvar tarixə qədər uzadılıb.
Nazirlər Kabineti "Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında" Azərbaycan Respublikası Nazirlər Kabinetinin 2001-ci il 19 yanvar tarixli 20 nömrəli qərarında dəyişikliklər edilməsi barədə" 2017-ci il 22 avqust tarixli qərarında dəyişiklik edib. Nazirlər Kabinetinin 2017-ci il 22 avqust tarixli qərarına əsasən reaktiv mühərriklər üçün TC-1 markalı yanacaq 1 ton üçün simvolik - 1 manat aksiz vergisi tətbiq olunub. Bu müddət 2017-ci il 1 aprel tarixindən 2017-ci il 20 noyabr tarixinədək dövrü əhatə edib. Yeni qərara əsasən bu müddət 2018-ci il 31 yanvar tarixə qədər uzadılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
