Bakı. Musa Əhmədov - APA-Economics. İcbari sığortası olan avtomobillərin təmiri sığorta şirkətlərinə problem yaradır.
Azərbaycan Sığortaçılar Assosiasiyasından (ASA) “APA-Economics”ə verilən məlumata görə, bu fikirlər assosiasiyanın icbari sığorta növləri üzrə komitəsinin növbəti iclasında səsləndirilib.
Bildirilib ki, əsasən avtomobillərin icbari sığortasında şirkətlərdən maşına dəymiş istənilən ziyanın rəsmi avtoservisdə aradan qaldırılması tələb olunur. “Bu isə sığortaçının xərcini artırır. Çünki, adi servislərlə müqayisədə rəsmi servislərdə təmir xərcləri yüksəkdir. Halbuki, bəzi problemləri adi servisdə də aradan qaldırmaq olar”, - deyə sığorta şirkətlərinin nümayəndələri vurğulayıb
Bu məsələnin avtoservislərlə və Azərbaycan Avtomobil Dilerləri Assosiasiyası ilə müzakirə edilməsinə qərar verilib.
Qeyd edək ki, iclasda Azərbaycanda yaradılmış Sığorta Təlimi Mərkəzinin (STM) 1 illik strateji planı müzakirə edilib, təklif və rəylər nəzərdən keçirilib, STM-in əsas fəaliyyət istiqamətləri müəyyən edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
