Bakı. Aqşin Rafiqoğlu - APA-Economics. Azərbaycan Dövlət Neft Şirkəti (SOCAR) tərəfindən bu ilin aprel ayında dövlət büdcəsinə 132 mln. 503 min manat vəsait ödənilib.
“APA-Economics”in SOCAR-a istinadən verdiyi məlumata görə, bu göstərici 2014-cü ilin aprel ayı müqayisədə 4 mln. 87 min manat və ya 3,18% çox olub.
Ümumiyyətlə, 2015-ci ilin yanvar-aprel aylarında büdcəyə 472 mln. 946 min manat vəsait ödənilib. Bu da ötən ilin dörd ayı ilə müqayisədə 178 mln. 576 min manat və ya 27,41% azdır.
Bundan əlavə, bu ilin aprel ayında SOCAR Dövlət Sosial Müdafiə Fonduna (DSMF) 11 mln. 908 min manat vəsait köçürüb. Bu, ötən ilin aprel ayı ilə müqayisədə 1 mln. 272 min manat və ya 9,65% azdır.
Ümumiyyətlə, bu ilin yanvar-aprel aylarında SOCAR tərəfindən DSMF-ə ödəniş 46 mln. 594 min manat təşkil edib ki, bu da ötən ilin yanvar-aprel ayları ilə müqayisədə isə 3 mln. 624 manat və ya 7,21% azdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
