MDB

Ana səhifə

MDB

Konstantin Qabaşvili: “Gürcüstanda demokratik seçkilərin keçirilməsi üçün bütün imkanlar yaradılıb”

20 may 2008 12:09 (UTC +04:00)

Bakı. Tamara Qriqoryeva APA. “Gürcüstanda demokratik seçkilərin keçirilməsi üçün bütün imkanlar yaradılıb. Müxtəlif təhlükəsizlik tədbirləri görülsə də, hazırda ölkədə vəziyyət normal və stabildir”. Bu sözləri APA-ya açıqlamasında Gürcüstan parlamentinin Xarici əlaqələr komitəsinin sədri Konstantin Qabaşvili deyib. O, bəzi qüvvələrin müəyyən aksiyalar planlaşdırdığını, amma onların öz niyyətlərinə nail olmayacaqlarını bildirib: “Uduzmağı bacarmaq lazımdır”. K. Qabaşvili Gürcüstana xeyli beynəlxalq müşahidəçinin gəldiyini, medianın işi üçün hər cür şərait yaradıldığını söyləyib.
Ombudsman aparatının nümayəndəsi Koba Çopliani isə hər səs uğrunda kəskin mübarizənin getdiyini vurğulayıb: “Bizim ofis müşahidə edib ki, seçiciləri “Bibliya”ya əl basaraq müəyyən namizədə səs verəcəyinə dair and içməyə məcbur edirlər”.
Qeyd edək ki, sabah keçiriləcək parlament seçkilərində 150 nəfərdən ibarət yeni qanunverici orqan formalaşacaq. Millət vəkillərinin 75-i majoritar, 75-i isə proporsional sistem üzrə seçiləcək.