MDB

Ana səhifə

MDB

Exit poll: Nazarbayevin partiyası parlament seçkilərində 71,97%-lə liderdir

10 yanvar 2021 23:23 (UTC +04:00)

Qazaxıstanda parlamentin aşağı palatası olan Məclisə və yerli təmsilçilik orqanlarına seçkilər başa çatıb.

APA “Sputnik Qazaxıstan”a istinadən xəbər verir ki, “Koqamduk Pikir” (İctimai Rəy) tədqiqat institutunun keçirdiyi exit poll-un nəticələrinə görə, Nursultan Nazarbayevin rəhbərlik etdiyi Nur Otan Partiyası seçicilərin 71,97 faizinin dəstəyini qazanıb.

Seçkidə iştirak edən digər partiyaların topladığı seçici səsləri isə aşağıdakı kimidir:

Qazaxıstan Xalq Partiyası (keçmiş kommunistlər) - 9.03%

“Ayıl” Xalq Demokrat Partiyası - 5.75%

"Ak Jol" Demokrat Partiyası - 10,18%

"Adal" Partiyası - 3.07%

Qeyd edək ki, Məclisə daxil olmaq üçün partiyalar ümumi səs sayının ən azı 7% -ni toplamalıdır.

Məlumat üçün bildirək ki, Məclis 107 deputatdan ibarətdir, onlardan 98-i gizli səsvermə yolu ilə ümumi, bərabər və birbaşa seçki hüququ əsasında partiya siyahıları ilə seçilir.

Məclis deputatlarının səlahiyyət müddəti beş ildir.

Qazaxıstan Mərkəzi Seçki Komissiyası seçkinin ilkin nəticələrini yanvarın 11-də açıqlayacaq.