Tacikistan Prezidenti Emoməli Rahmon oktyabrın 11-də keçiriləcək prezident seçkilərində iştirak edəcək.
APA-nın TASS-a istinadən verdiyi xəbərə görə, hazırkı prezidentin namizədliyi Xalq Demokratik Partiyası (XDP) tərəfindən irəli sürülüb.
Partiyanın fövqəladə qurultayında hazırkı prezident Emoməli Rahmonun namizədliyi yekdilliklə dəstəklənib.
Bu barədə XDP-nin Mərkəzi İcra Komitəsinin aparat rəhbəri Abdurahmon Xonzoda bildirib.
"Bu gün Düşənbədə Tacikistan Xalq Demokratik Partiyasının (XDP) fövqəladə qurultayı keçirildi. Qurultayda nümayəndələr yekdilliklə Emoməli Rəhmonu prezidentliyə namizəd göstərdi", - o deyib.
A. Xonzodanın sözlərinə görə, qurultayın işində ölkənin bütün bölgələrindən təxminən 1000 nümayəndə iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
